Vuođđoealáhusain lea leamaš hui deaŧalaš sadji ollu sámi guovlluin, ja lea deaŧalaš oassi barggolašvuođa ja ássama vuođus dáin guovlluin. Muđui leat vuođđoealáhusat hui deaŧalaččat giella- ja kulturguoddin. Vuođđoealáhusaid rikkis sámegiella čájeha čielgasit man deaŧalaččat dat ealáhusat leat leamaš ovddeš áiggiin. Lotnolasealáhusat eanandoalo-guolástus leat leamaš deaŧalaš oassin ávnnaslaš ja kultuvrralaš vuođus mearrasámi ássamii, kultuvrii ja eallinvuohkái.
Dat go vuođđoealáhusat leat sámi gielaid ja kultuvrra deaŧalaš bisuheaddjit, dahká ahte dáin ealáhusain lea deaŧalaš doaibma sámi servodagas. Politihkalaš proseassaid ja doarjjaortnegiid bokte galgá Sámediggi leat mielde ealáskahttimin ealáhusdoaimma vuođđoealáhusain.
Sámediggi háliida nannet vuođđoealáhusaid, nu ahte dat maiddái boahtteáiggis gozihit guovddáš rolla mii dain lea sámi servodagas.
Almmuhuvvon 04.01.2022 11.06
Maŋemusat rievdaduvvon 05.01.2022 10.27