Giellaovddidandoaimmat

Rabas ohcanáigemearri 01.11.23

Ohcanskovvi - Giellaovddidandoaimmat

Doarjjaortnega mihttomearri:

  • Organisašuvnnat ovddidit ja oahpahit sámegielaid.

Dása sáhtát oažžut doarjaga:

  • Ráhkadit sámegielat applikašuvnnaid ja spillaid.
  • Jorgalit applikašuvnnaid ja spillaid sámegillii.
  • Sámegielkurssat rávisolbmuide.
  • Sámi giellaarenat.
  • Biibbalteavsttaid jorgaleapmi mátta- ja julevsámegillii.
  • Sámegielat digitála arenat mánáide ja nuoraide, nugo ovdamearkka dihtii e-valáštallan ja sosiála mediat.
  • Giellaovddidandoaimmat giellaguovddážiid várás mat leat ásahanmuttus.
  • Rájárastá giellabargu.

Gii sáhttá oažžut doarjaga:

  • Almmolaš ja priváhta organisašuvnnat/ásahusat/fitnodagat earret Sámi giellaguovddážat mat ožžot njuolggodoarjaga Sámedikki bušeahta bokte.

Ná olu sáhtát oažžut doarjaga:

  • Doarjjamearri lea gitta 300 000 ru. rádjai giellaprošeavttaide.
  • Sámegielat digitála arenaide mánáide ja nuoraide lea doarjjamearri gitta 40 000 ru. rádjai.

Guoská Sámi giellaguovddážiidda  ásahanmuttus:

Sámi giellaguovddážat mat leat ásaheami vuolde sáhttet ohcat doarjaga álggahanáigodahkii. Maŋŋel álggahanáigodaga sáhttá giellaguovddáš ohcat beassat Sámedikki bušehttii ja oažžut jahkásaš vuođđodoarjaga ja aktivitehtadoarjaga. Álggahandoarjja lea aktivitehtadoarjja ja galgá adnot giellakurssaide ja giellaarenaide. Gielladoaibmabijut galget lasihuvvot jagis jahkái. Lea vejolaš oažžut álggahandoarjaga 3 jagi.

Álggahandoarjja sáhttá juolluduvvot gitta:

  • 1. jahki: 400 000
  • 2. jahki: 500 000
  • 3. jahki: 600 000

Golut maidda ii sáhte oažžut doarjaga:

  • Prošeavttaide mat gullet oahpahuslága doaibmaguvlui ja mat gullet skuvlaeaiggádiid láhkageatnegahtton bargamušaide.
  • Girjjálašvuođa, neahttasiidduid, diehtojuohkinávdnasiid ja teavsttaid jorgaleapmái. Dat ii guoská biibbaljorgaleapmái dahje applikašuvnnaid ja spillaid jorgaleapmái.
  • Oastit elektronihkalaš gálvvuid ja duhkorasaid.
  • Doarjja ii addojuvvo dása: bajásdoallamii, spesifiserekeahtes goluide, beaivválaš doaibmagoluide jođihit doaimma/fitnodaga, sosiála goluide, doaibmabijuide mat botnjet gilvvohallama, láigovisttiide, rádjovisttiide, opmodatoastimiidda, leasingii, vuodjinfievrruide, investeremiidda ja čielga lonuhemiide. Eará olggosgolut maid Sámediggi ii árvvoštala dárbbašlažžan doaimma čađaheapmái.
  • Almmolaš doarjja oktiibuot ii sáhte leat badjel 100 % prošeavtta/doaibmabiju ollislaš olggosgoluin.

Eará doarjjaeavttut:

Geahča doarjjanjuolggadusaid.

Doarjjanjuolggadusat giellaovddidandoaibmabijuide 2023 (PDF, 362 kB)

Ohcanskovvi - Giellaovddidandoaimmat

Leatgo dus gažaldagat?

Anne Kemi
Vuosttaškonsuleanta/Førstekonsulent
E-poasta
Telefovdna 78 48 42 44
Anne Marie Hætta
Ráđđeaddi Giellahálddašan ja -politihka juogus
E-poasta
Telefovdna 78 48 42 58