Doarjjaortnega mihttomearri:

• Giellaguovddážat ja organisašuvnnat ovddidit lulli-, ubmi-, bihtán-, julev-, nuortalaš- ja márkosámegiela.

Dása sáhtát oažžut doarjaga:

• Hábmet/ovddidit modeallaid regiovnna giellaresurssaid geavaheami várás.
• Gielalaš doarjja guovtti- ja máŋggagielat váhnemiidda, kursemiid ja giellalávgumiid bokte.
• Doaimmat mat ovddidit sámegiela julev-, lulli-, ja márkosámi guovlluin.
• Doaimmat mat ovddidit ubmi-, bihtán- ja nuortalašgiela.

Gii sáhttá oažžut doarjaga:

• Almmolaš ja priváhta organisašuvnnat/ásahusat/fitnodagat.
• Fitnodagat, institušuvnnat ja organisašuvnnat mat ožžot doarjaga fertejit leat registrerejuvvon
  Norgga Ovttadatregistarii.

Ná olu sáhtát oažžut doarjaga:

• Doarjjamearri lea gitta 300 000 ru. rádjai.
• Golut maidda ii sáhte oažžut doarjaga:
  • Prošeavttaide mat gullet oahpahuslága doaibmaguvlui ja mat gullet skuvlaeaiggádiid láhkageatnegahtton bargamušaide.
  • Girjjálašvuođa, neahttasiidduid, diehtojuohkinávdnasiid ja teavsttaid jorgaleapmái. Dat ii guoská biibbaljorgaleapmái dahje applikašuvnnaid ja spillaid jorgaleapmái.
  • Oastit elektronihkalaš gálvvuid ja duhkorasaid.
  • Doarjja ii addojuvvo dása: bajásdoallamii, spesifiserekeahtes goluide, beaivválaš doaibmagoluide jođihit doaimma/fitnodaga, sosiála goluide, doaibmabijuide mat botnjet gilvvohallama, láigovisttiide, rádjovisttiide, opmodatoastimiidda, leasingii, vuodjinfievrruide, investeremiidda ja čielga lonuhemiide. Eará olggosgolut maid Sámediggi ii árvvoštala dárbbašlažžan doaimma čađaheapmái.
  • Almmolaš doarjja oktiibuot ii sáhte leat badjel 100 % prošeavtta/doaibmabiju ollislaš olggosgoluin.

Eará doarjjaeavttut:

Geahča doarjjanjuolggadusaid.

Sierra gielladoaimmat lulli-, ubmi-, bihtán-, julev-, nuortalaš- ja márkosámi guovlluide - Doarjjanjuolggadusat 2023 (PDF, 343 kB)

Ohcanskovvi - Sierra gielladoaimmat lulli-, ubmi-, bihtán-, julev-, nuortalaš ja márkosámi guovlluide