Sámediggi bargá ahte sámi ohppiin galget leat sámi oahpponeavvut mat leat gusttojeaddji oahppoplánaid vuođul buvttaduvvon, sihke davvi- julev ja lullisámegillii, ja maiddái ahte lea buorre diehtojuohkin dáid birra. Mii leat premissadahkkit sámi oahpponeavvuid buvttadeamis ja ruhtadit sámi oahpponeavvoprošeavttaid. Sámediggi mearrida váikkuhangaskaomiid mihttomeriid, strategiijaid ja doaibmabijuid oahpponeavvuid ráhkadeami várás plánadahkosiid ja bušeahttaproseassaid bokte.

Sámediggi juohká, čuovvola ja dárkkista oahpponeavvodoarjagiid láhka- ja njuolggadusrámmaid siskkobealde. Sámedikki oahpponeavvobargu čatnása mearriduvvon sámegiel oahpponeavvoráhkadeami strategiijaplánii 2025-2028. Strategiijaplánas leat stáhtus ja dárbbut, strategiijat ja vuoruheamit oahpponeavvuid ovdánahttinbargui gustojeaddji plánadahkosiid vuođul. 

Sámedikki strategiijat sámegiel oahpponeavvoráhkadeapmái 2025-2028 (PDF, 472 kB)

Mielddus 1 – Sámedikki ruhtaduvvon oahpponeavvoprošeavttat mat leat jođus (XLSX, 669 kB)

Mielddus 2 - Oahpponeavvut mat leat ilbman 2022-2024 (XLSX, 110 kB)