Don fertet leat registrerejuvvon luoikkaheaddjin Sámedikki girjerádjosis/Oahpponevvohagas jus galggat sáhttit luoikkahit.  

Don geavahat "Bibliotekkortet" go áiggut luoikkahit. Váldde šearbmagovva koartas, dahje logge sisa bibliotekkortet.no siidui. Don registreret dáppe:  

1. Raba neahttasiiddu du mobiltelefuvnnas: https://bibliotekkortet.no         
2. Deaddil "Registrer deg"  
3. Du nama ja adreassa viežžá Folkeregisteris.  Jus háliidat rievdadit persovdnadieđuid, de logget sisa Mu siidui koartanummiriin dahje ID-porteniin. Mii ávžžuhit du geavahit ID-porten dahje bidjat beassansáni sihkkarastit ahte du sisaloggen lea sihkkar.  
4. Váldde oktavuođa minguin Samedikki girjerájusis aktiveret koartta ja registreret luoikkaheadjin oahpponeavvuguovddážis. Sádde e-poastta   sambib@samediggi.no. Mii dárbbašit du nama, adreassa,  mobiilanummira, e-poastta ja luoikkahan koartanummira maid ožžot dalle go registrerejit iežat ođđa geavaheaddjin Bibliotekkortet.no siiddus.  

Sámedikki bibliotehkas lea stuora čoakkáldat sámegielat fágagirjjálašvuođas, oahpponeavvut ja eará materiála iešguđetlágan sámi gielaide ja eará gielaide.  

Diehtosiiddas Guovdageainnus lea mis sámegielat oahpponeavvuid/ oahpporesurssaid čoakkáldat sámegielat davvi-, julev- ja lullisámegillii. Doppe leat girjjit, jietnagirjjit, plakáhtat, spealut, bihttábordimat, musihkka ja filmmat. Daid ožžot mánáidgárddit, skuvllat, studeanttat ja earát luoikkahit. 

Sámi oahpponeavvouskkádat Ovttas|Aktan|Aktesne lea čohkken dieđuid sámi oahpponeavvuid birra. Doppe gávdnojit govat, girjjit, filmmat, jietna, oahppomateriálat ja digitála resurssat, artihkkalat ja dokumeanttat..  

Gallet oahpponeavvouskkádaga Ovttas|Aktan|Aktesne 

Sáhttá luoikkahit oahpponeavvuid Ovttas neahttasiiddu bokte, dahje oria.no neahttasiiddus ohcat girjjálašvuođa. Oria lea ohcanbálvalus man sáhttá atnit go galgá girjerádjosa materiálaid gávdnat e.e. girjjiid, artihkkaliid, áigečállagiid, dutkamušaid, diehtobuktosiid, musihka ja filmmaid.  

Oza Orias

Oahpponeavvuid listu mánáidgárddis, 1-7 ceahkki. Almmuhuvvon 2023 - 2024.  Buot gielaide. 

Oahpponeavvuid listu 8.-10. ceahkki. Almmuhuvvon 2023 - 2024.  Buot gielaide. 

Oahpponeavvuid listu joatkkaskuvladásis 1.-3. Almmuhuvvon 2023 - 2024.  Buot gielaide. 

Sámi mánáid- ja nuoraidgirjjálašvuođa listtut

Gažaldagat?

Jus dus leat gažaldagat oahpponeavvuid, materiála luoikkaheami dahje eará birra, de sáhtát váldit oktavuođa Sámedikki girjerádjosiin. 

Telefovdna 78 47 40 00, e-poasta sambib@samediggi.no