Oahpponeavvoguovddážis lea čoakkáldat buot sámi oahpponeavvuin/oahpporesurssain davvi-, julev- ja lullisámegillii mat áiggiid čađa leat almmuhuvvon, ja mat ain dađistaga almmuhuvvojit. Earret eará leat girjjit, jietnagirjjit, plakáhtat, breahttaspealut, bihttáspealut, musihkka, máinnaspáhkat (hupmanpáhkat) ja filmmat. Oahpponeavvoguovddáš luoiká nuvttá materiála mánáidgárddiide, skuvllaide, studeanttaide ja maid earáide.

Sámi oahpponeavvouskkádagas Ovttas|Aktan|Aktesne lea čohkken dieđuid sámi oahpponeavvuid birra. Gávnnat govaid, girjjiid, filmmaid, jiena, oahppomateriálaid ja digitála resurssaid, artihkkaliid ja dokumeanttaid mat sáhttet álkidit oahpaheaddji barggu sámi skuvllain.

Lea vejolaš luoikkahit resurssaid www.ovttas.no bokte, fitnat oahpponeavvoguovddážis Guovdageainnus dahje váldit njuolga oktavuođa telefuvnna bokte, + 47 78 48 42 22. Oahpponeavvoguovddáš lea rabas juohke árgabeaivvi dii. 10.00-15.00. 

Čájet kárttas