Oahppoplánabuvttus Máhttolokten - SámiMáhttolokten – sámi oahppoplánabuvttus lea sierra parallealla oahppoplánabuvttus dan dábalaš Máhttolokten oahppoplánabuktosii, sámi oahpahusa várás. Das leat mearrádusat, láhkaásahusat, movt sámi oahpahus galgá leat. Gos gusto Máhttolokten – sámi oahppoplánabuvttusBuot oahppit sámi skuvllain galget oažžut oahpahusa sámi oahppoplánabuktosa vuođul. Buot vuođđoskuvllat sámegiela hálddašanguovllus (sámi suohkaniin) definerejuvvojit sámi skuvlan. Dat guokte stáda joatkkaskuvlla Sámi joatkkaskuvla ja boazodoalloskuvla Guovdageainnus ja Sámi joatkkaskuvla Kárášjogas leat geatnegahtton addit oahpahusa sámi oahppoplána vuođul. Oahppit olggobealde hálddašanguovllu geat ožžot oahpahusa sámegielas ja sámegillii galget maid oažžut oahpahusa dán vuođul. Gč. oahpahuslága § 6-2, vuosttaš lađđasa ja oahpahuslága láhkaásahusa § 1-1 b) ja 1-1 c).Sámegiella oahppoplánat gustojit sámegiella oahpahussii sihke siskobealde ja olggobealde hálddašanguovllu. Máhttolokten - sámi oahppoplánabuvttus sisttisdoallá:Oppalaš oassi Sámi oahpahusa prinsihpat Sámegiellafága oahppoplánat Sámi parallealla seammaárvosaš oahppoplánat Sámi oahppoplánat Joatkkaoahpahusa prográmmafágain Fágain maidda eai leat ráhkaduvvon sierra sámi parallealla oahppoplánat, gustojit Máhttolokten dábalaš oahppoplánat sámi skuvllaide maid. Gustojeaddji oahppoplánaid gávnnat Oahppodirektoráhta neahttabáikkisJoatká oahppoplánabargguinSámi oahppoplána ii leat dievaslaš go buot fágain ii leat sámi parallealla ovttaárvosaš oahppoplána. Lea dárbu válbmet sámi oahppoplána dainna ahte ráhkadit sámi parallealla ovttaárvosaš oahppoplánaid fágaide main ii leat sierra sámi oahppoplána, ja dat leat: sámegiella ohppiide geain lea mearkagiella, eŋgelasgiella, matematihkka ja lášmmohallan.Sámediggi lea jagis 2022 ráhkadišgoahtán oahppoplána sámegielas vuosttašgiellan ohppiide geain lea mearkagiella. Dát válbmana skuvlaálgimii jagis 2024. Vuođđooahpahusa fágaid ođasmahttin dagaha stuorra dárbbu ja hoahpu ođđa oahpponeavvuid buvttadeapmái. Sámediggi joatká oahppoplánabargguin jagis 2024.SAT01-01 - Samisk som førstespråk for elever med tegnspråk (utkast) - sámegiel veršuvdna (PDF, 369 kB)