Fágain maidda eai leat ráhkaduvvon sierra sámi parallealla oahppoplánat vuođđoskuvlii, čađamanni fágaide ja oktasašfágaide ja prográmmafágaide joatkkaoahpahusas, gustojit dábálaš oahppoplánat Máhttoloktemis maid ohppiide geat ožžot oahpahusa sámegielas ja sámegillii.

Muhtin oahppoplánat leat jorgaluvvon sámegillii ja dat leat Oahpahusdirektoráhta neahttasiidduin Máhttolokten – sámi vuolde. Sámi suohkaniin gustojit oahpahusa prinsihpat – sámi ja sámi oahppoplakáhtta oahpahusas maid fágain main oahpahus addo dábálaš oahppoplánaid mielde.