Skuvlabiras ja skuvlaovdáneapmiSámediggeráđđi háliida unnidit givssideami. Min mielas galgá buot mánáin ja nuorain leat riekti bajásšaddan- ja oahppanbirrasiidda gos ii gávdno givssideapmi ja cielaheapmi. Danin áŋgiruššat mii ahte doaimmat lassánivčče givssideami vuostá skuvllain, mánáidgárddiin, astoáiggearenain ja lagas birrasiin. Dát lea sihke nuoraid ja rávisolbmuid ovddasvástádus. Maid dagat go oainnát givssideami? Álkimus lea jorahit sealggi, ja dahkaluddat ahte ii oainne dákkáriid. Jurddašit: Muhtin galggašii dieđihit. Don leat dát "muhtin". Muital oahpaheaddjái, hárjehallái dahje eará rávisolbmui. Dahje soaittát sáhttit dadjat njuolga sutnje gii givssida? Bargu givssideami vuostá lea árvvoheapme jus dat seammás ii unnit mánáid, nuoraid ja rávisolbmuid logu geat givssiduvvojit ja cielahuvvojit. Mii diehtit ahte dákkárat dáhpáhuvvet skuvllas, skuvlageainnuid alde, molssodanlanjain ja astoáiggedoaimmaid oktavuođas. Doppe gos olbmot vánddardit. Dás gávnnat veahki ja inspirašuvnna bargui givssideami ja cielaheami vuostá: Fina neahttabáikkis Null mobbing