FUG lávdegottis leat čieža miellahtu geat bohtet iešguđet guovllus riikkas ja geain leat mánát skuvllas. Miellahtuid duogáš lea ahte sii leat aktiivvalaš váhnenáirasat skuvllain. Sámediggi nammada lahtu FUG:ii. 

FUG lahtut 2024-2027:

Ståle Sand Kalkvik, jođiheaddji
Johanne Marie Olaussen, nubbinjođiheaddji
Alf Harald Aronsen
Christopher Sandal Donné
Jeanette Trondsdatter Guttormsen
Attia Mirza Mehmood
Lill-Therese Varsi, Sámediggi nammadan
Elisabeth Teige, várrelahttu
Yngve Søderholm-Nodland, várrelahttu

FUG ásahuvvui 1976:s ja lea mearriduvvon lága bokte oahpahusallágas § 11-9. 2009 rájes viiddiduvvui FUG mandáhtta maiddái fátmmastit vuosttaš jagi joatkkaoahpahusa. Seammás maiddái rievddai ovddeš namma Vuođđoskuvlla váhnenlávdegoddi.

FUG:s lea oktasaš čállingoddi Mánáidgárddi váhnenlávdegottiin.

Loga eambbo ja váldde oktavuođa Vuođđooahpahusa váhnenlávdegottiin - FUG

Ovttasbargošiehtadus Sámedikkiin

Sámediggi vuolláičálii ovttasbargošiehtadusa mánáidgárddi váhnenlávdegottiin FUB ja vuođđooahpu váhnenlávdegottiin FUG geassemánu 9. beaivvi 2022. 

Dá leat muhtin čuoggát ovttasbargošiehtadusas: 

• Buot mánáin ja nuorain galgá leat oadjebas, buorre ja dorvvolaš skuvlabiras 
• Buot mánát ja nuorat galget dovdat iežas dohkkehuvvon dakkáriin go sii leat 
• Mánáid ja nuoraid lea vuoigatvuohta oahpahussii sámegillii ja sámegielas 
• Dahkat FUG ja Sámedikki oinnolaš aktevran ja doarjjan sámi skuvlasuorggis 

Ovttasbargošiehtadus Vuođđooahpahusa váhnenlávdegotti - FUG ja Sámedikki gaskka áigodagas 2022-2024 (PDF, 70 kB)