Guokta gålmåjs rádevadde sajenisá

Guokta gålmåjs rádevadde sajenisá

Sámedikkepresidænnta Silje Karine Muotka (NSR) la nammadam guoktá sámedikkeráde gålmmå politihkalasj rádevaddijt. Eirik Larsen (NSR) ja John Mathis Utsi (JSL) libá juo álggám virgijda, valla maŋemus rádevadde Guovdásjbelludagás ij la ájn nammaduvvam.

Sametingspresident Silje Karine Muotka (NSR) med politiske rådgivere Eirik Larsen (NSR) og John Mathis Utsi (JSL) Vaino Rensberg/Sametinget

Aktisasjbarggoguojme NSR, Jåhttesámelissto ja Guovdásjbelludahka li guorrasam nannit bæjválasj politihkalasj bargov Sámedikken.

– Mijá li stuorra ájggomusá ja ållo barggo mijáj åvdån. Válggagávdan sjaddap ásadit vihtta ållestjåhkanimijt jahkáj, ja dat merkaj mij galggap buktet ienep ássjijt Sámedikke ållestjåhkanibmáj. Boahttsuláhkanammadus sjaddá buktet ietjas ævtodusájt. Badjáni moadda stuoráp láhkaprosessa ma gájbbedi mijás. Sámelága giellanjuolgadusá, ådå minerállaláhka ja joarkka Nuppát Sámeriektánammadusás li muhtem dajs ássjijs. Duodden dasi galggá Duohtavuoda- ja såbadimkommisjåvnnå buktet ietjas diedádusáv. Dát gájbbet politihkalasj valjesvuodav, javllá sámedikkeráde Silje Karine Muotka (NSR).

– Goalmát ja maŋemus rádevadde ij la ájn sajenis, valla máhtáv giehttot sjattav nammadit nissunav politihkalasj rádevadden, javllá Muotka.

Eirik Larsen joarkká politihkalasj rádevadden, dá bále Silje Karine Muotka sámedikkeráden. Sihtá javllat Eirik Larsen åhtså bessat sámedikkeájras dåjmas.

– Mån la riek ávon gå nammaduváv politihkalasj rádevadden. Miján li moadda stuorássje ma vuorddi, ja mån galgav mielos viehkedit sámedikkepresidentav ja sámedikkerádev sihke stuoráp ja unnep ássjijn, javllá Eirik Larsen (NSR)

John Mathis Utsi Jåhttesámelistos la ådå rádevadde sámedikkeráden. Utsi la ællobargge Kárásjjågås.

– Mån lav mielos geldulasj ja ájnas bargguj mij vuorddá. Ælloniehkken la diehttelis boahttsuæládus juojddá masta berustav, valla berustav aj sáme ássjijt åbbålattjat, dagu giella, kultuvrra, juojgga ja dálkádahka, javllá John Mathis Utsi (JSL)

Utsi la vuostasj sadjásasj Jåhttesámeliston Sámedikke ja åhtså bessat sadjásasj dåjmas.

Guládallamdiedo:

sámedikkepresidænnta Silje Karine Muotka, tlf. 984 87 576
politihkalasj rádevadde Eirik Larsen, tlf. 970 80 217
politihkalasj rádevadde John Mathis Utsi, tlf. 951 75 908