Oahpástuvá Sámedikkijn ietjat mobijla baktu

Oahpástuvá Sámedikkijn ietjat mobijla baktu

Sámedigge fállá dán giese jiednaoahpestimev guossijda sierra ehpa baktu mobiltelefåvnån. Fálaldahka l nåvku ja máhttá aneduvvat vájku goassa.

 

– Sámedikken lulujma ávot sihtam válldet vuosstij guossijt, valla njoammomhieredime diehti, de e besa guosse huodnahav guossidit dán giese. Dan sadjáj de guossijda fállap máhttelisvuodav oahpástuvvat Sámedikkijn sierra jiednaoahpestime baktu ietjat mobiltelefåvnån. Sávav fálaldahka la ávkken ja vuogas dievnastus moaddásijda, javllá Sámedikke dievastjåhkanimjådediddje Tom Sottinen (Bb). 

Voice of Norway ehpan gulá ienep Sámedikke duogátja birra, duola dagu manen la ásaduvvam. Gulá aj Sámedikke dåjmaj birra sihke nasjåvnålasj ja rijkajgasskasasj dásen, ja li aj diedo Sámedikke arkitektuvra ja dájddatjoakkáldagá birra. Subtsastip oasátjijt aj sáme histåvrås ja kultuvras, ja gulldaliddje bessi aj Sámedikke tjáppa juojgav gulldalit.

Jiednaoahpestibme la sajenis gájkajda ehpa baktu man namma l Voice of Norway. Ulmutja gudi Kárásjjågåv guossidi máhtti Sámedikke ruvtov viedtjat (jiednabálggáv) ehpas. Gå lip Sámedikke ålggolin, de subtsastahtjá æhppa automatihkalattjat dajt iesjguhtik jiednasubttsasijt maŋenagi gå Sámedikke birra váttsasj. Fálaldahka l dálla álgon dåssju dárogiellaj, valla vijdedip maŋenagi ietjá gielajda.

– Sávvap gájkajt buorisboahtem oahpástuvvat Sámedikkijn ehpa baktu ja ávvudallap dallutjij gå guosse vas sisi bessi Sámedikkehuodnahij, javllá dievastjåhkanimjådediddje Tom Sottinen.

Æhppa fálaldahka l nåvku, ij la ietjá gå dav viedtjat. Dáv oahpestimev máhtá ietjat ájgeadnemav milta adnet, váttsatjit telefåvnåjn tjuokkas tjuoggaj.

Náv barga:

Ietjat telefåvnån viettja ehpav Voice of Norway. Åtså dåppe Sámedikkev ja viettja ruvtov. Gå la ruvtov viedtjam, de máhtá mobijllanehtav jáddit ja ruvtov tjuovvot tjuokkaj milta. Jus la ietjá bájken, de máhtá aj dáv ehpav adnet gå Sámedikkev åtså. Dieddelit tjuokkajt majt sihtá dan ruvton gullat.

Lisa Marie Kristensen la subtsastiddje ja GLR, Nils Martin Kristensena, la báddim ja jiednasubttsasijt buvtadam.

Diehti gus jut Sámedigge l aj dahkam digitála oahpestimev sámediggehuodnahis? Dav dáppe gávna.