Sámedikkeráde nanni sáme kultuvriellemav ja juollot 6,8 millijåvnnå kr investierimdoarjjan ásadusájda ja festiválajda

Sámedikkeráde nanni sáme kultuvriellemav ja juollot 6,8 millijåvnnå kr investierimdoarjjan ásadusájda ja festiválajda

Sámedikkeráde l sirddám 6,8 millijåvnnå kr sáme musiejajda, kultuvrragådijda, duodjeinstituhttaj Sámev miehtáj.

– Lav riek ávon gå Sámedikkeráde nanni kultuvrásadusájt Sámev miehtáj. Diehtep siján la stuora dárbbo, ja sihtap dajda vaddet investierimmáhttelisvuodav jali ådåstimijt álgadit majt lip plánim jali dajn la dárbbo, javllá Sámedikkeráde Maja Kristine Jåma (NSR) gænna l åvdåsvásstádus kultuvras.

Biejvveálggotjielggidusá milta ájggu Sámedikkeráde sæbrrat nanusmahtátjit dálásj ásadusájt, ja ájggu barggat sáme festivála ja æjvvalimsaje sihkarasteduvvi ja åvdeduvvi. Dát la akti juollodibme investierimijda ma buorre máhttelisvuodav vaddi ásadusáj åvddånibmáj.

– Kultuvrásadusá li ájnnasa mijá sáme lagosbájkijn. Investierimrudá viehkedi ásadusáj åvddånimev vaj da máhtti buorebut ietjaska sebrudakdåjmav gåtsedit majt Sámedigge la biedjam sidjij, javllá sámedikkeráde Runar Myrnes Balto (NSR) gænna l åvdåsvásstádus budsjehtas.

Investierimijn miejnniduvvi rubbmelasj ja materiella investierima dagu åbmudahka, ræjdo ja muodugattja valla ij lidna investierima dagu vuobddemvejulasjvuodaåvddånahttem, máhtudak dåjma. Rudá galggi aneduvvat 2022 vuostasj jahkebielen.

Tabellan vuollelin vuojná makkir ásadusá oadtju investierimdårjav. Juollodus la dagáduvvam sirddemijn dajt rudáj ma ælle aneduvvam jagen 2021. Åbbålasj gåvåstibme ruvva almoduvvá: