Sjiehtadam ådå duodje 2021 æládussjiehtadusáv

Sjiehtadam ådå duodje 2021 æládussjiehtadusáv

Sámedigge ja sjiehtadusoase Sámiid Duodji ja Duojáriid Ealáhussearvi li ådå duodje 2021 æládussjiehtadusáv sjiehtadam. Rámma boahtte jahkáj la gitta 7,35 miljåvnå kråvnåj. Sámedikkeráde Hans Ole Eira (Gb) la dudálasj gå ådå sjiehtadus le sajenis.

BildeKlikkForStorVersjonHans Ole Eira Kenneth Hætta  – Sámedikkeráde bieles la læhkám ájnas vuorodit sierradåjmajt ma viehkedi gå sisbuodos la binnum koronadile diehti, javllá vásstálasj sámedikkeráde Hans Ole Eira (Gb).

Koronadávdas la sisbuodos unnum vidnojda ja æládusán, sæmmi guosská duodjeæládussaj. Ådås 2021 sjiehtadusán le dan diehti 810 000 koronadoarjjaj. Vuodo la sulástibme ruhtajådedimes iesj buvtadam duojes jagen 2019.

– Le vilá ájnas vuorodit duojev æládussan ja dåjma ma guosski åvddånahttemav ja mærkkabuvtadimev. Koronadille le buktám dárbojt mærkkabuvtadime hárráj, ådå vuobddemvuogijt ja ådå organiserim vuogijt ietjaska vidnudagájn, javlla Eira.

Æládussjiehtadusán le biejadum 1,15 miljåvnå kråvnå åttjudibmáj, åvddånahttemdåjmajda, konsulentabargguj, ådådahkodoarjjaj ja prosjevtajda. Duodden la biejadum 80 000 kråvnå máhtudaklåpptimij ja kursajda jagen 2021, ja 2,5 millijåvnå kråvnå jådedimdoarjjaj. La aj biejadum 600 000 kråvnå vuobddemhiebadibmáj ja mærkkabuvtadibmáj. Dåjma ma guosski vuobddemvuoge li dán årtnigin. Mij guosská duodjestipendav, la rámma joarkeduvvam da jage sjiehtadusás 150 000 kråvnå jagen 2021.

Sjiehtadus Sámiid Duodji, Duojáriid Ealáhusservi ja Sámedikke gaskan galggá dåhkkiduvvat Sámedikke ållestjåhkanimes javllamáno ållestjåhkanimen.

Gatjálvisá jali ságájdahttem, guládalá sámedikkerádijn Hans Ole Eira (Gb), +47 918 61 471, hans.ole.eira@samediggi.no