Veahkaváldi lagaš oktavuođain Veahkaváldi lagaš oktavuođain čuohcá garrasit ja duođalaččat sidjiide geat dan vásihit.Deaŧalaš lea čielggasmahttit ahte almmolašvuođas lea ovddasvástádus veahkaválddis mii dáhpáhuvvá ruovttus. Sámi olbmot geat gillájit veahkaválddi berrejit beassat deaivvadit veahkkeapparáhtain sámi giela ja kultuvrra vuođul juohkelágan veahkaválddi ektui lagaš oktavuođain. Sámediggi ja Justiisa- ja politiijadepartemeanta leat ovttas almmuhan duktanraportta njukčamánu 8. b. 2017 "Veahkaváldi lagaš oktavuođain". Loga raportta «Om du tør å spørre, tør folk å svare» Hjelpeapparatets og politiets erfaringer med vold i nære relasjoner i samiske samfunn (PDF, 2 MB)Loga sámediggerádi dásseárvopolitihkalaš čilgehusa veahkaválddi birra sámi servodagas (PDF, 182 kB)Ráđđehusa doaibmaplána veahkaválddi eastadeami ja vuosttaldeami várás lagas gaskavuođain 2021-2024Ráđđehus almmuhii borgemánu 13. b. 2021 doaibmaplána veahkaválddi eastadeami ja vuosttaldeami várás lagas oktavuođain. Doaibmaplánas Veahkaválddehisvuođa čađaheapmi lea fokus dasa movt veahkaválddi ja illastemiid sáhttá buorebut eastadit ja vuosttaldit sámi servodagain.20 doaibmabiju dan 82 ođđa doaibmabijus maid ráđđehus almmuha gusket sámi guovlluide, nugo nannet heahteguovddášfálaldaga, buoridit sámi giela ja kultuvrra máhtu ja gelbbolašvuođa politiijas, ja árvvoštallat ásahit sierra mánáidviessofálaldaga mii lea erenoamážit heivehuvvon sámi guovddášguovlluid mánáide. Lea vuosttaš geardde go doaibmaplánas veahkaválddi vuostá lagas gaskavuođain lea sierra oassi veahkaválddi ja illastemiid birra sámi servodagain ja doaibmaplánii leat maiddái váldon mielde boazodoalu hástalusat.Loga Ráđđehusa doaibmaplána veahkaválddi eastadeami ja vuosttaldeami várás lagas gaskavuođain 2021-2024 (PDF, 2 MB)Loga ođasartihkkala: Doaibmaplánas veahkaválddi vuostá lagas gaskavuođain lea sierra oassi veahkaválddi ja illastemiid birra sámi servodagainSámedikki doaibmaplána veahkaválddi vuostá 2023-2025Sámedikki doaibmaplána veahkaválddi vuostá 2023-2025 mearriduvvui juovlamánu 6. beaivvi 2023 Sámedikki dievasčoahkkimis, ášši 55/23.Loga Sámedikki doaibmaplána veahkaválddi vuostá 2023-2025 (PDF, 159 kB)Loga eanet Sámedikki doaibmaplána birra veahkaválddi vuostá 2023-2025