Mihttu lea ahte árbediehtu máhttovuogádahkan deattuhuvvo buohtalaga eará máhtuin. Sámediggi lea okta máŋgga aktevrras geain lea ovddasvástádus árbedieđus, ja erenoamaš ovddasvástádus sámi eiseváldin. 

Bargojoavkku ásaheapmi lea čuovvoleapmi ovddeš árbediehtobarggus, mii čájehii ahte lea dárbu gulahallamii ásahusaid gaskkas geain lea árbediehtu sin bargosuorggis.

Bargojoavkku mandáhtta

Árbedieđu bargojoavku galgá čielggadit árvalusaid boahtteáiggi árbedieđu hálddašeamis. Bargojoavku galgá earret eará árvalit árbedieđu baohtteáiggi organiserema ja aktevrraid rolla ja ovddasvástádusa. Bargojoavku galgá maiddái árvalit boahtteáiggi hálddašeami vejolaš ruhtadanortnega. Biddjo vuođđun ahte bargojoavkkus lea gulahallan árbedieđu áššeguovdilis aktevrraiguin. Sámedikki 2016 čilgehus lea vuođđun joavkku bargui.

Loga Sámediggeráđi čilgehusa árbedieđu birra (PDF, 345 kB)

Raporta

Bargojoavku lea geigen iežas raportta sámediggeráđđái cuoŋománus 2021. Bargojoavku evttoha raporttastis ahte Sámediggi vuoruha sámi árbemáhtu eanet.

Loga raportta "Máttuid árbi boahtteáigái" (PDF, 2 MB) (PDF, 2 MB)

Loga maid artihkkala raportta birra dan oktavuođas go dat almmuhuvvui: Evttoha Sámedikki vuoruhit 8,1 miljon kruvnnu bušeahtas sámi árbevirolaš máhtu ovddideapmái