Gilvovaláštallamis ja valáštallamis lea guovddáš sadji servodagas. Historjjálaččat lea fysalaš aktivitehta leamaš lunddolaš oassi sámi kultuvrras. Dađistaga go dárbbut leat rievdan, de lea ollu aktivitehtain rievdan hápmi ja sisdoallu, ja leat dál vuođđun valáštallamii ja aktivitehtaide sihke alla valáštallan dásis ja lihkadandásis.
Sámedikki ekonomalaš váikkuhangaskaomiid valáštallama várás mihttomearrin leat juohkelágan valáštallandoaimmat. Oassemihttomearrin lea viiddis ja buorre valáštallanfálaldat sámi álbmoga várás.
Sámediggi addá njuolggo doarjaga golmma organisašuvdnii mat organiserejit sámi valáštallandoaimmaid: Sámiid Valáštallanlihttu-Norga/Samenes idrettsforbund-Norge (SVL- N), Sámi Heargevuodjin-lihttu/Saami Reindeer-Race Federation (SHL) ja FA Sápmi.
Dasa lassin addá Sámediggi doarjaga sámi nuoraid searvamii sihke Arctic Winter Games (AWG) valáštallan- ja kulturoasis.
Njuolggo doarjagat valáštallamii galget váikkuhit dan ahte sámi valáštallanorganisašuvnnat sáhttet ovddidit valáštallanfálaldaga sihke govdodat- ja njunušdásis.
Loga Sámediggeráđi čilgehusa sámi valáštallama birra
Valáštallanšiehtadus
Sámediggi lea ovttasráđiid valáštallanbirrasiin dahkan šiehtadusa ásahit bistevaš rámmaid juolludemiid hárrái ovttasbargošiehtadusa Valáštallanšiehtadus, bokte. Valáštallanšiehtadus maid mielddisbuktá fuomášumi vuoruhusaide, numo rekrutteren, ođasmahttin sámi stohkosiin/valáštallansurggiin, miehtasámi organiseren jna. Valáštallanšiehtadus fámuiduvai 2022 loahpageahčen.
Loga Sámi Valáštallanlihtu (SVL) ja Sámedikki gaskasaš Valáštallanšiehtadusa (PDF, 103 kB)
Valáštallanbiras lea maŋŋá guhkit áigge ođđasitorganiserenproseassa bidjan johtui organisašuvdnamodealla Sámi Valáštallan Lihttu (SVL) mas leat oassin searvvit; Sámi Valáštallan – Norga (SVN), Sámi Heargevuodjin Lihttu (SHL) ja FA Sápmi lassin goavdeservošii SVL.
Sámedikkis ja SVLs leat jahkásaš šiehtadallamat gos juolludus rámmat čuovvovaš bušeahtajáhkkái mearriduvvojit ja vejolaš ođđa vuoruhusat guoskkahuvvojit.
Loga maid: Sámediggi lokte sámi valáštallama ođđa allodagaide – soahpan valáštallanšiehtadusa
Kultur- ja valáštallanstipeanda
Sámedikkis lea maiddái kultur- ja valáštallanstipeanda, mii addojuvvo juohke nuppi jagi. Jagi 2019 rájes juhkkojuvvo juohke jagi.
Stipeanda galgá movttidahttit sámi nuoraid bargat dáidagiin, kultuvrrain ja valáštallamiin. 25000 ruvdnosaš stipeanda juhkkojuvvo. Stipeanda galgá mannat ovttaskas olbmuide goappašiin sohkabeliin, ja sii geat ožžot stipeandda galget leat gaskal 16 ja 25 jagi dan jagi goas stipeanda juhkkojuvvo.
Loga eanet kultur- ja valáštallanstipeandda birra