2017:s čađahii Verdal suohkan, Sámedikki ruhtademiin, gaskkustanprošeavtta sámi historjjá birra. Dán prošeavtta vuolgga lei Sul ja Brenntjønnin guovlu. Prošeavtta duogáš lei sávaldat lasihit álbmoga ipmárdusa ja dihtomielalašvuođa olles Verdal historjái. Barggu boađusin lei girji sámi historjjá birra Sul-guovllus, kultureahket Verdalsøras, ja gaskkustanmátki Brenntjønnin ássanguvlui.

2018:s álggahuvvui ođđa prošeakta, dán háve ges lei vuolgga Vera guovllus. Mihtut ledje seamma, muhto eará guovllus Verdalváriin, ja eará boazoorohagas. Leat olu gáldut mat muitalit osiid sámi historjjás dán guovllus, ja lea leamaš olu fokus dasa ahte čohkket dán historjjá. Dasa lassin lei dán háve maid váldon mielde fysalaš registrerenbargu kulturmuitogeahčademiid bokte. Guokte oanehis mátkki Strådalenii ja guvlui lulábeal Veresvatnet čađahuvvoje 2018:s. 2019:s lei guhkebuš mátki Lakadalenis, Vera ja Gaundalena gaskkas. 

Mihttu lei registreren nu máŋga kulturmuittu go vejolaš, vai oažžu indikašuvnna gávdnosiid potensiálas várreguovlluin Vera guovllus. Bohtosat sáhttet geavahuvvot vuođđun viidáset guorahallamiidda. Seamás oažžu maid eanet konkrehta kulturmuittuid geavahit gaskkustanoktavuođas. 

Loga geahčadanraportta Strådalen, Tverrådalen ja Lakadalen, Verdal suohkan, čakčamánu 2.- 4. beivviid 2019 (PDF, 35 MB)