Sámi visti gullá historjjálaš ja kultuvrralaš oktavuhtii. Das sáhttá lea sierra doaibma, erenoamáš huksendáhpi dahje lea erenoamáš sajis eanadagas. Goahti, áiti ja njalla leat huksehusat main lea mihtilmas sámi huksendáhpi. Sámi huksehusat sáhttet leat máŋggaláganat nugo áittit ja skaját, návehat ja láđut, ássanvisttit, návsttut ja bájit. Skuvlavisttit, čoagganavisttit ja eará oktasaš visttit gullet maiddái sámi huksenhistorjái. 

Sámi vistti sáhttá leat váttis earuhit eará visttiin maidda ii gula sámi historjá dahje ii leat sámi oktavuohta. Dalle lea báikkálaš máhttu ja historjá vistti birra, dieđut giligirjjiin ja álbmotmuitalusat deaŧalaš gáldut movt gávnnahit leago huksehus sámi vai ii. Visttiid agi maid ii leat álki mearridit. Dás leat årringdateringer dahje dendrodateringer leamaš buorrin veahkkin, ja lea čájehan ahte ollu visttit lea ollu boarráset go vuos navdojuvvon. 

Sámediggi lea registreren birrasii 900 automáhtalaččat ráfáidahttojuvvon sámi vistti.

Dás sáhtát lohkat eanet ráfáidahttojuvvon sámi visttiid registrerema birra