– Lea sihke movttiidahtti ja positiivvalaš oaidnit ahte mii leat dán vuoru juolludan ruđaid golmma nuorra bivdái, geat háliidit guolástemiin bargat Finnmárkkus. Sámedikkis lea leamaš strategiija oažžut eambbo nuorra nissonolbmuid álgit guolásteaddjin. Golbma juolludeami mannet vuosttašinvesteremiidda, ja dat lea movttiidahtti, dadjá sámediggepresideanta Silje Karine Muotka (NSR).

Dát viđas ožžot doarjaga:

• Forsberg Fesk - Anita Forsberg Kamøyværas Davvenjárgga suohkanis lea aittoálgi ja lea ožžon 281 000 ruvnno doarjjan oastit guolástanfatnasa ja bargoreaidduid. Ohcci áigu doaimmahit bivdima ja guolásteami iežas fatnasis.
• Paulsen Havfiske – Tord Sønvisen Paulsen, Reaisvuonnas (Bugøyfjord) Mátta-Várjjagis oažžu 300 000 ruvdnosaš doarjaga oastit guolástanfatnasa. Dát lea ođđa fitnodat mii galgá doaimmahit bivdima ja guolásteami.
• Aalesund Fisk Skarsvåg – Kristoffer Svendsen Pedersen Skarsvågas Davvenjárgga suohkanis oažžu 300 000 ruvdnosaš doarjaga ođastit ja divvut káijavuođustusa, ja maid bidjat ođđa vuođu muhtin oassái káijas. Fitnodat lea ođđasit álggahan vuostáváldinbáikki guliide dán unna gilážis Skarsvågas.
• De Wilde Slipp og Mek AS - Cornelis og Patricia De Wilde, Beasfearddas (Bergsfjord) Láhpi suohkanis oažžu 147 000 ruvdnosaš doarjaga hukset govdunkáija Beasferdii (Bergsfjord).

– Lea dehálaš Sámediggái addit doarjaga káijarusttegiid huksemii, ja ahte guolásteddjiid sihkarvuohta vuhtiiváldojuvvo. Dán vuoru ledje guokte káijaprošeavtta unna gilážis mat oaččuiga doarjaga Sámedikkis, ja lea positiivvalaš go káijarusttegat divvojuvvojit, dadjá sámediggepresideanta.

Juolludeami oktiibuot 1,3 miljovnna ruvnno ovddas juolluduvvojit mariidnaealáhusat doarjjaortnegis.

Anita Forsberg Privat