– Giellalávdegoddi dadjá raporttastis NAČ 2016:18 Váibmogiella ahte sámi mánáidgárddit leat deháleamos eaŋkildoaibmabidju sámegiela sihkkarastimis, suodjaleamis ja ealáskahttimis. Danne lea deaŧalaš doarjut dáid mánáidgárddiid sin barggus ahte fállat sámegielat mánáidgárdefálaldaga mas lea alla kvalitehta, dadjá sámediggeráđđi Mikkel Eskil Mikkelsen (NSR).

Doarjja lea juolluduvvon doarjjaortnega Doarjja sámi mánáidgárddiide ja sámi ossodagaide dáža mánáidgárddiin bokte, ja ulbmil lea ahte sámi mánáidgárddit ja sámi ossodagat dáža mánáidgárddiin oahpahit sámi mánáide sámegiela, sámi kultuvrra ja árbevieruid. Doarjja galgá earret eará geavahuvvot doaibmabijuide mat ovddidit ja vuođđudit mánáidgárdefálaldaga sámi árvvuide, gillii, kultuvrii ja árbevirolaš máhttui. 

– Mun háliidan maid muittuhit ahte áigemearri ohcat doarjaga sámi mánáidgárddiide ja mánáidgárddiide main lea sámi ossodat lea 02.05.2024 dii. 16.00, loahpaha sámediggeráđđi Mikkelsen.

Čuovvovaš mánáidgárddit leat ožžon doarjaga: