Sámediggepresideanta Silje Karine Muotka Åse M. P. Pulk, Sámediggi

Návet lea ođasmahttojuvvon ja rievdaduvvon burronávehin, ja danne lea dárbu ráhkadit biebmanrusttega mii sáhttá gieđahallat daid biebmandárbbuid mat burruin leat.

– Sámediggeráđđi lea ilus go sáhttet addit doarjaga Anne May Olli biebmanrusttegiid investeremii. Sámediggái lea dehálaš ahte sis geat barget eanadoaluin leat buorit ja dohkálaš rusttegat mat leat heivehuvvon árktalaš eanadollui, dadjá sámediggepresideanta Silje Karine Muotka (NSR).

Doarjja lea juolluduvvon Sámedikki eanadoalu, gilvvagárdedoalu ja vuovdedoalu doarjjaortnega bokte.