2,5 miljovnna ruvnno doarjjan kulturmuittuid registreremiidda 2023:s

Sámediggi lea juolludan doarjagiid kulturmuittuid registreremiidda bihtán- ja lullisámi guovlluin.

Sámediggepresideanta Silje Karine Muotka olgun. - Deaddil ja stuora govva ihtáSilje Karine Muotka Vaino Rensberg/Sámediggi

– Prošeavttat veahkehit buoridit máhtu sámi historjjá birra, dadjá sámediggepresideanta Silje Karine Muotka (NSR).

Sámediggi lea jagis 2023 juolludan oktiibuot 2,5 miljovnna ruvnno doarjjan kulturmuittuid registreremii, kulturmuittuid galbemii, vistesuodjalussii ja eará sámi kulturmuitoprošeavttaide. Muotka lea ilus go sámi kulturárbi adnojuvvo ávviris ja oainnusmahttojuvvo.

Golmma prošeavttas áigot registreret bihtánsámi kulturmuittuid, ja dain áigot kártet sihke kulturmuittuid eatnamis ja visttiid. Doarjjaoažžut leat Knut Harry Sivertsen, Árran Julevsáme guovdásj ja Nordfar-fitnodaga Arnstein Brekke.

Lullisámi guovllus leat sámi kultur- ja vásáhusguovddáš Sijti Jarnge Aarbortes ja Sjeltie sámi kulturpárka Granes ožžon 170 000 ruvnno goabbatge registrerenbargui. Prošeavttat galget veahkehit duođaštit sámi leahkima ja eanangeavaheami. Muotka oaivvilda ođđa dieđuid sáhttit nannet sámi identitehta guoskevaš guovlluin.

Registrerenprošeakta fatnasiid birra lea ožžon doarjaga. Ii gávdno ollislaš govva sámi fatnasiin. Danne lea sámediggepresideanta ilus go Stiftelsen Midt-Troms Museum (Gaska-Romssa musea vuođđudus) áigu dokumenteret johkafatnasiid Øverbygdas.

– Bargui lea juolluduvvon 150 000 ruvnno, ja dat sáhttá leat dehálaš veahkki sámi fanasárbbi hálddašeamis, dadjá Muotka.

Máŋga prošeavtta leat ožžon doarjaga sámi kulturhistorjjá čájeheapmái, galbema ja eará heiveheami bokte. Sámediggi lea dál áŋgiruššame lullisámi kulturárbbi ovddas, ja dat oidno ohcamiid hivvodagas. Golmma ohcamii Vestre Slidre ja Vang suohkaniin Valdresis leat juolluduvvon doarjagat sámi kulturmuittuid heiveheapmái.

Porsáŋggu gielda lea ožžon 270 000 ruvdnosaš doarjaga. Doarjja galgá adnot heivehuvvon kulturmuittuid máŧasdoallamii Činavuohpis.

– Ollu turistat fitnet geahččame mihtilmas dolomihttafiguvrraid maidda čatnasit dološ muitalusat. Lea dehálaš dikšut min mávssolaš sámi kulturbirrasiid vai dat seilot ja vai sáhttit daid čájehit, dadjá sámediggepresideanta.

Máŋga vistegáhttenprošeavtta leat maiddái ožžon kultursuodjalanruđaid. Goađit ja máhttu daid huksema birra lea guovddáš sámi kulturárbi. Lullisámi guovllus lea juolluduvvon doarjja goađi ođđasishuksemii. Prošeaktaeaiggát Varntresk grendelag čállá ahte goahti galgá adnot sámi giela, kultuvrra ja historjjá gaskkusteapmái. 

– Lea hui buorre sáhttit doarjut prošeavttaid mat ovddidit sihke visteárbbi ja sámi kultuvrra viidát ipmárdusas, loahpaha Muotka.

Jus leat gažaldagat dahje jus áiggut jearahallat, váldde oktavuođa politihkalaš ráđđeaddiin Anne Toril Eriksen Baltoin tlf +47 413 10 027, anne.toril.eriksen.balto@samediggi.no dahje politihkalaš ráđđeaddiin John Mathis Utsiin tlf: +47 951 75 908, john.mathis.utsi@samediggi.no

Sámediggeráđi juolludeamit sámi kulturmuitosuodjalussii vahku 13:

Sámediggeráđi juolludeamit sámi kulturmuitosuodjalussii vahku 13:
Doarjjaortnet Ohcci Namahus Doarjja
Sámi kulturmuitosuodjaleapmi PORSÁŊGGU GIELDA Oppjustering - tilrettelegging i Trollholmsund 270 000
Sámi kulturmuitosuodjaleapmi VARNTRESK GRENDELAG Oppsett av ny torvgamme/kåte 220 000
Sámi kulturmuitosuodjaleapmi SJELTIE - SAMISK KULTURPARK Registrering av samiske kulturminner 170 000
Sámi kulturmuitosuodjaleapmi SIJTI JARNGE - DET SAMISKE KULTUR- OG UTVIKLINGSSENTRE I HATTFJELLDAL Registrering og dokumentasjon av samiske kulturminner 170 000
Sámi kulturmuitosuodjaleapmi ROMSSA UNIVERSITEHTA – NORGGA ÁRKTALAŠ UNIVERSITEHTA Beinanalyser fra den gamle markedsplassen i Skibotn 159 000
Sámi kulturmuitosuodjaleapmi VESTRE SLIDRE HISTORIELAG Tilrettelegging av samisk kulturminnene 150 000
Sámi kulturmuitosuodjaleapmi STIFTELSEN MIDT-TROMS MUSEUM Registrering, oppmåling og dokumentasjon av elvebåter 150 000
Sámi kulturmuitosuodjaleapmi NORDFAR AS Registrering 123 000
Sámi kulturmuitosuodjaleapmi KNUT HARRY SIVERTSEN Kulturminneregistrering 121 600
Sámi kulturmuitosuodjaleapmi ÁRRAN - JULEVSÁME GUOVDÁSJ LULESAMISK SENTER Riebivággeprosjektet 2023 / 2024 120 000
Sámi kulturmuitosuodjaleapmi VANG KOMMUNE To tavler med informasjon om Finne - Lussi 100 000
Sámi kulturmuitosuodjaleapmi OKSTINDAN NATUR- OG KULTURPARK Dokumentasjon og formidling av samisk språk og samiske kulturminner 100 000
Sámi kulturmuitosuodjaleapmi IVGU SUOHKAN Rehabilitering og presentasjon av Fjellfinnbakken 100 000
Sámi kulturmuitosuodjaleapmi KVINA VELFORENING Sakriannaplassen 100 000
Sámi kulturmuitosuodjaleapmi STIFTELSEN HELGELAND MUSEUM Bygningsvern- og formidlingsprosjekt i Saervoesvuemie 92 000
Sámi kulturmuitosuodjaleapmi STEIGEN HISTORIELAG Finnkirka på Marhaug 75 000
Sámi kulturmuitosuodjaleapmi VESTRE SLIDRE FJELLSTYRE Tilrettelegging for Norges sørligste samiske boplass 70 000
Sámi kulturmuitosuodjaleapmi SIJTI JARNGE - DET SAMISKE KULTUR- OG UTVIKLINGSSENTRE I HATTFJELLDAL Restaurering av sørsamisk torvgamme 68 000
Sámi kulturmuitosuodjaleapmi NORD TROMS MUSEUM AS Restaurering av uthus på Opheim gård 44 000
Sámi kulturmuitosuodjaleapmi EU EIENDOM OG UTVIKLING ESTHER UTSI Stuoragieddi 30 000
Sámi kulturmuitosuodjaleapmi NORD TROMS MUSEUM AS Restaurering av verksted/sjå på Opheim gård 25 000
Almmuhuvvon 18.04.2023 11.16
Maŋemusat rievdaduvvon 22.11.2023 13.47