2 miljovnna dáža mánáidgárddiide mat oahpahit sámi mánáide sámegielaSámediggi addá doarjaga dáža mánáidgárddiide mat oahpahit sámi mánáide sámegiela. Sámediggeráđđi lea 2023:s juolludan 2 097 727 ruvnno doarjjan 21 dáža mánáidgárddiide doarjjaortnega bokte Doarjja sámi giellaoahpahussii. - Oktiibuot leat143 máná geat ožžot sámegieloahpahusfálaldaga dáža mánáidgárddiin Norggas. 124 sis leat davvisámegielat mánát ja 19 máttasámegielat mánát. 2019 rájes (110 máná) gitta 2023 rádjái (143 máná) oaidnit ahte mánáidlohku geat ožžot sámegieloahpahusa lassána, muitala sámediggeráđđi Mikkel Eskil Mikkelsen (NSR). Dán jagi leat muhtun ođđa mánáidgárddit ohcan doarjaga sámegieloahpahussii. Dat leat earret eará Lyngsdalen oppvekstsenter ossodat mánáidgárdi Ivggu suohkanis, Husøy barnehage Sáčča suohkanis, Storfjord Naturbarnehage AS Omasvuona suohkanis, Romslia barnehage Troandima suohkanis, Voll barnehage Rennebu suohkanis ja 2 mánáidgárddi Lillehammer suohkanis; Birkebeineren friluftsbarnehage ja Stiftelsen Steinrøysa barnehage. -Mii sávvat dieđusge ahte eanet dáža mánáidgárddit fállet sámegieloahpahusa sámi mánáide boahttevaš jagiin, ja mun oainnán hui positiivvalažžan dan lassáneami mii lea leamaš daid maŋemus jagiid, loahpaha Mikkelsen. Dáža mánáidgárddit mat leat ožžon doarjaga doarjjaortnegis Doarjja sámi giellaoahpahussii Suohkan Mánáidgárdi Juolluduvvon doarjja Engerdal Drevsjø barnehage 130 000 Oslo Dr.Brandts barnehage AS 65 000 Lillehammer Stiftelsen Steinrøysa barnehage 65 000 Birkebeineren friluftsbarnehage 118 182 Rennebu Voll barnehage 65 000 Tråante Lekeplassen familiebarnehage 130 000 Romslia barnehage 130 000 Stjørdal Medbroen Gårdsbarnehage 130 000 Læringsverkstedet Tønsåsen naturbarnehage 130 000 Hárstták Utsikten barnehage 130 000 Ervik barnehage 65 000 Hagebyen barnehage 65 000 Froskedammen barnehage 65 000 Omasvuotna Furuslottet barnehage 65 000 Storfjord Naturbarnehage AS 65 000 Sážžá Husøy barnehage 65 000 Ivgu Lyngsdalen oppvekstsenter avdeling barnehage 29 545 Gáivuotna Olderdalen barnehage 130 000 Deatnu Boftsa barnehage 65 000 Tanabru barnehage 325 000 Áltá Saga barnehage 65 000 Oktiibuot 21 mánáidgárddi 2 097 727 ruvnno Almmuhuvvon 14.09.2023 09.18 Maŋemusat rievdaduvvon 10.01.2024 15.00