Maja Kristine Jåma Árvu/Sametinget

Elisabeth Misvær almmuha "Hellige jord - Bassi lea eana", ja ulbmil lea boktit rámisvuođa sámi kultuvrras, ja čalmmustahttit máŋgga árbevirolaš guovllu luođi girjáivuođa, ja čalmmustahttit bihtánsámi giela ja bihtánsámi juoigama.

Geahččaladdan ođđa musihkkavugiiguin lea guovddážis Ramona Linnea Sørfjell ođđaseamos skearrus "Stories from Sápmi". Prošeavttas deattuhuvvo ambient-šáŋgra, mii lea dakkár šládja mii buorre muddui gáibida ahte olmmoš geahččaladdá hutkás jietnadesignain. Son čohkke jienaid ("samples") luonddus Sámis, ja geavaha dán vuolggasadjin gaskkustit dovdduide guoski ja čuohcci musihka.

KPH Media áigu buvttadit musihkkavideoid Karl Edvard Urheima ođđa musihkkii, mii almmuhuvvo jagi 2023:s. Musihkkavideot čalmmustahttet sámi musihka ja sámi guovlluid.

- Lea illudahtti oaidnit ahte sámi musihkkaeallin ahtanuššá. Dát leat gelddolaš buktagat mat balanserejit árbevirolaš ja dálááigásaš musihkkaovdanbuktimiid. Dain leat čielga čatnasat árbevirolaš sámi musihkkii, ja dat leat buorre lassin sámi kultuvrii, dadjá sámediggeráđđi Maja Kristine Jåma (NSR). 

Doarjagat juolluduvvojit ortnega Luohti ja sámi musihkka bokte.