Buohtastahttin dihte de bohte 2021-válgii 58 listta.

Dán jagáš válggaide leat 11 bellodaga ceggen listta:

• Bargiidbellodagas lea lista buot válgabiiriin
• Ovddádusbellodagas lea lista buot válgabiiriin
• Olgešbellodagas lea lista buot válgabiiriin
• Nordkalottfolket bellodagas lea lista buot válgabiiriin
• NSR:s lea lista buot válgabiiriin
• Sámeálbmot Bellodagas lea lista 6 válgabiires
• Guovddášbellodagas lea lista 6 válgabiires

Eirik Larsen Christina Gjertsen

Leat maid 4 báikkálaš listtu mat leat ceggen listtaid sámediggeválggaide. Dat leat Ávjovári Johttisápmelaččaid listu ja Sámeeatnanlista, goappašagat Ávjovári válgabiires. Dasa lassin lea Industri- og Næringspartiet ceggen válgalistta Davveguovllu válgabiires ja Sámi Álbmotlihttu Nuortaguovllu válgabiires.

– Demokratiijii lea deaŧalaš ahte máŋga bellodaga servet válggaide. Dát sihkkarastá máŋggalágan oaiviliid ja perspektiivvaid, dadjá sámedikki válganammagotti jođiheaddji, Eirik Larsen.

Sámedikki válganammagoddi galgá dohkkehit listtaid geassemánu 1. beaivvi 2025 rádjai. Válganammagoddi čoahkkana juo mánnodaga cuoŋománu 7. b. ja álgá bargguin dohkkehit listtaid, muitala Larsen.

Geahča buot listaevttohusaid ja kandidáhtaid 2025 sámediggeválgii

Listtaid ja evttohasaid logut iešguđege válgabiires:

Válgabiire 1 Nuortaguovllu válgabiire: 8 listaevttohusa ja 78 kandidáhta

Válgabiire 2 Ávjovári válgabiire: 9 listaevttohusa ja 106 kandidáhta

Válgabiire 3 Davveguovllu válgabiire: 8 listaevttohusa ja 87 kandidáhta

Válgabiire 4 Gáiseguovllu válgabiire: 6 listaevttohusa ja 63 kandidáhta

Válgabiire 5 Viestarmera válggabijrra: 7 listaevttohusa ja 68 kandidáhta

Válgabiire 6 Åarjel-Saepmie veeljemegievlie: 6 listaevttohusa ja 54 kandidáhta

Válgabiire 7 Lulli-Norgga válgabiire: 7 listaevttohusa ja 88 kandidáhta