Boazodoalu doarjjaortnega bokte juolluda Sámediggi gitta 783 000 ruvnno rádjai doarjjan 14 doarjjaožžui.
– Lean ilus go mii sáhttit leat mielde doarjumin doaibmabijuid boazodoalus, dát ealáhus lea okta dain ealáhusain mat beaivválaččat leat mielde seailluheamen min giela ja kultuvrra. Leat maiddái doaibmabijut mat beavttálmahttet doaimma ja gánnáhahttivuođa, ja dat lea muhtin dain vuoruhemiin mat mis leat dál, lohká sámediggepresideantta Silje Karine Muotka (NSR).
Doarjjaoažžut:
- Johan Anders Johansen Kemi: gitta 69 000 ruvnno rádjai investeret drona mas lea báhkkaohcci kámera ja giikkára.
- Johan Ivvar N. Gaup: 65 000 ruvnno oasttit drone páhka.
- Johnny Mathis Mikkelsen Sara: 30 000 ruvnno oastit báhkkaohcci drona.
- Jovsset Thomas J. P. Sara: 41 000 ruvnno oastit báhkkaohcci drona.
- Isak Thomas Henriksen Gaup: 43 500 ruvnno investeret mobiila guođohanbartta nu go diligeanssa.
- Nils Johannes Hætta: 50 000 ruvnno oastit plastihkka fuođargáriid vai sáhttá geasehit fuođđariid ellui álkimus lági mielde.
- Utsi siida: 83 000 ruvnno doarjjan oastit suoidnereaga reaidduiguin ja reaidu mii čuohppá siilosuinniid.
- Anne Margrethe Gaup: 31 000 ruvnno oastit suoidnereaga mas lea mohtor mii gilvá suinniid.
- Gaup Johannes Daniel: 40 500 ruvnno oastit báhkkaohcci giikkára ja drona.
- Hætta Berit Inga O.: 100 000 ruvnno oastit báhkkaohcci giikkára, drona ja suoidnereaga.
- John Ole O. Hætta: 52 500 ruvnno oastit báhkkaohcci drona.
- John Samuel P. Utsi: 81 000 ruvnno oasttit suoidnereaga ja reaiddu mii čuohppá suinniid.
- Jovnna Mihkkal Utsi: 30 000 ruvnno oastit báhkkaohcci drona.
- Mahtte Niillas Gaup: 66 500 ruvnno oastit báhkkaohcci drona ja báhkkaohcci giehtagiikkára.
– Dát doaibmabijut veahkehit ja addet badjeolbmuide vejolašvuođa duođaštit bohccuid maid boraspiret leat goddán, čađat leat ealo luhtte ja reaiddut mat álkidit biebmama guohtunroasu áiggis, lohká Muotka.