Airport Cafe AS:ii juolluduvvo 470 000 ruvnno

Airport Cafe AS:ii juolluduvvo 470 000 ruvnno

Sámediggeráđđi lea juolludan 470 000 ruvdnosaš doarjaga Airport Cafe AS:ii viiddidit gievkkana ja guossohanlanja Leavnnjas.

Lea guossohanbáiki Marthes Bistro masa doarjja galgá geavahuvvot, Leavnnja guovddážis lahká váldoluotta. Guossohanbáikkis lea dárbu viiddidit gievkkana ja guossohanlanja, maiddái dainna jurdagiin ahte lea dárbu áimmahuššat gussiid otná njoammudandilis.

Máŋggabealat ealáhusaide lea Sámedikki 2020 bušeahtas várrejuvvon 6 millijuvnna boasttas Doarjja máŋggabealat ealáhusaide.  Doarjja lea juolluduvvon ohcanvuđot doarjjaortnegis mas lea várrejuvvon 3,6 millijuvnna iešguđetlágan prošeavttaide mat ovddidit fitnodatovdáneami.

– Sámediggeráđđi doarju ealáhusovdáneami Porsáŋggu gielddas. Báikkálaš biepmu ja borramušgálvvuid čalmmustahttin leat guovddáš áŋgiruššansuorggit min doarjjaortnegiin, dadjá ráđđeláhttu  Silje K. Muotka (NSR), gii oaivvilda dákkár fálaldagat leat dehálaččat fuolaheamis biebmokultuvrra ja ieš alddis bajideames báikkálaš biepmuid ja árbevirolaš borramušaid.

– Mii oaivvildit maiddái ahte dát doaibma lea fárus nanneme Leavnnja ollislaš fálaldaga biebmoguossoheamis, dadjá Muotka.

Jearahallama addá dahje vástida gažaldagaide sámediggeráđđi Silje Karine Muotka (NSR), mob. +47 984 87 576, silje.karine.muotka@samediggi.no