Áššemeannudeaddji - Mánáidgárdeáššit

Áššemeannudeaddji - Mánáidgárdeáššit

Sámedikki bajásšaddan- ja oahpahusossodagas lea rabas bistevaš virgi áššemeannudeaddjin mánáidgárdejuhkosis. Álgin farggamusat. Ohcanáigemearri: Cuoŋománu 30. b. 2021.

Bargobáiki lea muhtun Sámedikki kántorbáikkiin gos lea sadji. 

Barggut

Virggi váldobarggut:

  • Hálddahusbarggut ja politihkaovddideapmi
  • Meannudit mánáidgárdeáššiid
  • Mánáidgárdefágalaš árvvoštallamat, ovdánahttin ja áššemeannudeapmi
  • Gulahallat mánáidgárddiiguin
  • Ovttasbargat mánáidgárdeáššiid birra ovttasbargoguimmiiguin
  • Eará mánáidgárdefágalaš barggut

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Virgái gáibiduvvo mánáidgárdeoahpaheaddjeoahppu. Bargohárjáneapmi sullasaš bargguin, ja máhttu ja diehtu sámi mánáidgárddiid birra deattuhuvvo.

Son guhte virgáduvvo ferte máhttit sámegiela ja dárogiela / dahje eará Skandinávia giela, njálmmálaččat ja čálalaččat.

Muđui deattuhuvvo:

  • Diehtu ja máhttu sámi mánáidgárddiid birra
  • Máhttu sámi servodatdiliid birra
  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 vuosttaškonsuleantta dahje 1434 ráđđeaddi.

  • Bálkkás gessojuvvo 2 % máksu Stáhta penšunkássii
  • Buorit loatna- ja penšunortnegat Stáhta penšunkássas
  • Buohkaide geat ásset Finnmárkkus ja Davvi-Romssas guoská oahppoloana sihkkunortnet Stáhta loatnakássas 10 % jahkái, gitta 25.000 ru rádjai, ja sierra vearrogeasus
  • Dávgasis bargoáigi ja eará buorit čálgoortnegat

Stáhta bargofámus galgá vejolašvuođaid mielde speadjalastojuvvot álbmoga girjáivuohta. Bargiidpolitihkalaš mihttomearrin lea olahit dássedettolaš ahke- ja sohkabealčoahkkádusa, ja dasto rekrutteret olbmuid geain lea sisafárrejeaddji duogáš, doaibmavádjet olbmuid ja geain leat váillit CV:s.
 
Sámediggi ávžžuha gelbbolaš kandidáhtaid ohcat, beroškeahttá agis, sohkabealis, nationála dahje etnalaš duogážis, doaibmavádjitvuođas dahje váillis CV:s. Sámediggi lea čáhkkilis doaibma (Searvvaheaddji Bargoeallin) ja deattuhat ovttaskas bargiid bargodiliid láhčima.
 
Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

  • Ohcanreive
  • CV – oahppu ja bargovásihusat fertejit devdojuvvot elektronalaš skovvái
  • Oahppo- ja bargoduođaštusat galget biddjojuvvot mielddusin
  • Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.
 
Ohcanáigemearri: Cuoŋománu 30. b. 2021

Oktavuohta

Eanet dieđuid virggi birra oaččut go válddát oktavuođa:

Oza bargui

Ohcanáigemearri

Cuoŋománnu 30. beaivvi 2021