Sámi álbmotbeaivi lea deaŧalaš čalmmustahttit sámi kultuvrra ja identitehta. Mii háliidat doarjut lágidemiid mat leat mielde ovddideamen ja čalmmustahttimin sámi kultuvrra, árbevieruid ja giela. Doarjaga sáhttá geavahit iešguđetlágan doaluide nugo konsearttaide, čájáhusaide, semináraide ja eará kultuvrralaš doaimmaide. 

– Lea dehálaš oažžut nu fiinna ávvudeami go vejolaš álbmotbeaivvis miehtá riikka. Mii leat juo ožžon ja meannudan máŋga ohcama sámi álbmotbeaivvi ávvudeapmái, muhto mii ávžžuhit eambbogiid ohcat doarjaga dasa, lohká sámediggeráđđi Maja Kristine Jåma (NSR). 

Sáhttá ohcat doarjaga mávssuide ja mátkegoluide sámi artisttaide dahje kulturbargiide. Ohcamis ferte leat namma ja ovttasbargošiehtadus, mii sáhttá leat álkes e-boastagaskkusteapmi. Joavkkut ja searvvit sáhttet maid ohcat doarjaga láiggohit lanja/vistti. 

Sámedikki hálddahus vuoruha daid ohcamiid dađistaga ja geahččala meannudit áššiid johtilit. Ohcamat fertejit sáddejuvvot nu jođánit go vejolaš Sámedikki doarjjaportála bokte. 

Loga eanet doarjjaortnega birra dás.