– Sommerles lea buorre vuohki movttiidahttit mánáid ja nuoraid lohkat girjjálašvuođa. Dál go lea jorgaluvvon sámegillii, de dat lea mielde nannemin sámi mánáid ja nuoraid giella- ja lohkanhálu. Mun ávžžuhan buohkaid searvat somás ja nuvttá lohkankampánjaii dán geasi, dadjá sámediggeráđđi Maja Kristine Jåma (NSR).

Geassemánu 1. b rájes borgemánu 31. b. rádjái sáhttet buohkat geat vázzet 1. – 7. luohká oassálastit Sommerles.no:s, gos beasat lohkat muitalusa maid girječálli Mari Moen Holsve lea čállán erenoamážit kampánjii.

Sommerles.no -siiddus sáhttá registreret sihke girjjiid maid mánát leat lohkan ieža ja girjjiid maid sii leat lohkan ovttas earáiguin dahje guldalan (jitnositlohkan ja jietnagirjjit).

Sámediggeráđđi ávžžuha buot bibliotehkaid geavahit sámi ávdnasiid kampánnja márkanfievrrideapmái.

Vestfold ja Telemark fylkesbibliotek ja Snuti AS leat ovdánahttán kampánja. 
Loga eambbo kampánja birra dás: Sommerles