Badjel 1,2 miljovnna fitnodatovddideapmái ja ođđa ásahemiide

Sámediggi doarju guhtta iešguđet ohcci geat dál áigot ovddidit ja ásahit iežaset fitnodagaid.

Paul Bendikk Jåma Árvu/Sámediggi

Áigodagas cuoŋománus borgemánnui 2026 lea Sámediggi juolludan oktiibuot 1 273 000 ruvnno doarjaga guđa iešguđet ohccái juohkelágan ealáhusaid doarjjaortnegis. 

Doarjjaortnegis vuoruhuvvojit doaibmabijut mat mielddisbuktet ođđaháhkamiid ja fitnodatovddideami, nannejit ealáhusa nu ahte das lea vejolašvuohta ovdánit ja ásahit ollu bargosajiid, ja mat sáhttet váikkuhit dasa ahte sámi servodagain leat geasuheaddji bargosajit. 

– Mii oaidnit stuora beroštumi ja ollu buriid ovddidanprošeavttaid. Dáiguin doarjagiiguin mii veahkehit fitnodagaid investeret, ovdánit ja nannet árvoháhkama. Go báikkálaš fitnodagat ožžot vejolašvuođa stuorrut, de maiddái nannejuvvo barggolašvuođa ja ássama vuođđu sámi guovlluin, dadjá sámediggeráđđi Paul Bendikk Jåma. 

Dát leat ožžon doarjaga:

Dát leat ožžon doarjaga
OhcciTihttelJuolluduvvon submi
NT RØR OG INDUSTRI ASViidáset ovddidit ja nannet fitnodaga ođđa vistti investeremiin Omasvuona suohkanis300 000 ru
ARCTIC TASTE OF NORWAY ASOvddidit fitnodaga mobiila vuovdinčovdosa investeremiin. Áigumuš lea vuovdit biebmobuktagiid288 000 ru
PAUL JOHAN JENSEN FYSIOTERAPI ASInvesteret ođđa ultrajietnamašiinna, mii lea oaivvilduvvon deahkke-dáktediagnostihkkii Davvi-Romssas189 000 ru
TROSTEN CONSULT ASOastit kulturmuitokártenbiergasiid main leat posišuvdnareaiddut190 000 ru
RIDDU RIDDU FESTIVÁLA ASTealtáčovdosiid/vuovdinsajiid investeren Riddu Riđđu-márkaniidda139 000 ru
ARCTIC LAVVO OF KAUTOKEINO ASLeat searvan “Finnmarksløpet Siidii” gos čájehedje iežaset buktagiid167 000 ru
Oktiibuot 1 273 000 ru
Almmuhuvvon 18.08.2026 09.37
Maŋemusat rievdaduvvon 18.08.2026 09.37

Juogadanboalut