Badjel 10 millijovnna sámi mánáidgárddiide

Badjel 500 máná ožžot nannejuvvot iežaset mánáidgárdefálaldaga maŋŋá go sámediggeráđđi lea juolludan oktiibuot 10 196 470 ruvnnu sámi mánáidgárddiide ja mánáidgárddiide main leat sámi ossodagat. 

Áigodagas ođđajagimánu gitta miessemánnui lea sámediggeráđđi juolludan 10 196 470 ruvnnu sámi mánáidgárddiide ja mánáidgárddiide main leat sámi ossodagat. Ruđat juolluduvvojit 8 priváhta ja 19 gielddalaš mánáidgárdái.  

Juolludus addojuvvo doarjjaortnegis Sámi mánáidgárddit ja mánáidgárddit main leat sámi ossodagat. Ulbmil lea sihkkarastit ahte sámi mánát ožžot mánáidgárdefálaldaga mii nanne sin giela, kultuvrra ja árbevieruid. 

Ann-Elise Finbog Árvu/Sámediggi

– Mánáidgárdi lea okta dain deaŧaleamos arenain sámegiela ja sámi identitehta nannemis mánáid gaskkas jo mánnávuođa rájes. Mii háliidit láhčit dili mánáidgárddiide mat huksejit sámi árvvuid, árbedieđu ja ealli giela nala, dadjá sámediggeráđđi Ann-Elise Finbog (SáB). 

Oktiibuot ožžot 594 sámi máná sámi mánáidgárdefálaldaga. Dain leat 26 máttasámegielat, 34 julevsámegielat ja 534 davvisámegielat máná. Mánát leat juhkkon 18 sámi mánáidgárdái ja 9 dáčča mánáidgárdái main lea sámi ossodat, mat fállet davvi-, mátta- ja julevsámegielat fálaldagaid. 

– Lea suohtas oaidnit ahte nu ollu mánát ožžot nannejuvvot iežaset gullevašvuođa ja gielalaš identitehta. Doarjja lea deaŧalaš váikkuhangaskaoapmi mii sihkkarastá kvalitehta ja ovddideami sámi mánáidgárddiin, dadjá Finbog. 

Ruđat galget earret eará geavahuvvot doaibmabijuide mat ovddidit ja nannejit mánáidgárdefálaldaga mii lea vuođđuduvvon sámi árvvuide, gillii, kultuvrii ja árbedieđuide. 

Doarjja sámi mánáidgárddiide ja sámegielat ossodagaide 2026:

Doarjja sámi mánáidgárddiide ja sámegielat ossodagaide 2026
GieldaMánáidgárdiJuolluduvvon
ÁltáGuovddáš mánáidgárdi386 808,-
 Alttá siida773 616,-
KárášjohkaLáttošluohka mánáidgárdi580 212,-
 Guolban mánáidgárdi773 616,-
 Badjemánáid beaiveruoktu193 404,-
GuovdageaidnuGártnetluohkká mánáidgárdi580 212,-
 Beazedievá mánáidgárdi773 616,-
 Máze mánáidgárdi193 404,-
 Gili mánáidgárdi386 808,-
 Gáhkkorcorru mánáidgárdi580 212,-
 MOS Mánáidgárddit580 212,-
PorsáŋguÁjanas mánáidgárdi193 404,-
 Saarela mánáidgárdi Jokŋa ossodat193 404,-
DeatnuGiellavealgu mánáidgárdi773 616,-
GáivuotnaGoržži mánáidgárdi193 404,-
LoabákLauvmakken mánáidgárdi Fiskes ossodat193 404,-
RáisaLeirbukt mánáidgárdi Skierri ossodat139 462,-
DielddanuorriMárkománák sámi mánáidgárdi AS386 808,-
RomsaGuovssahas mánáidgárdi386 808,-
 Sjømannsbyen mánáidgárdi Mearranásti ossodat193 404,-
HápmirViejega AS386 808,-
BådåddjoJentoftsletta mánáidgárdi Giella osssodat193 404,-
RaarvihkeGaavalohke maanagierte Blåbærskogen ossodat193 404,-
PlassjeLuvlege Maanagierte  Svaale ossodat193 404,-
 Brekken mánáidgárdi sámi ossodat193 404,-
TråanteFerista frilufts mánáidgárdi Belnie saemien maanajgiertedåehkie193 404,-
OsloSámi mánáidgárdi Cizaš386 808,-
  10 196 470,-
Almmuhuvvon 02.06.2026 10.07
Maŋemusat rievdaduvvon 02.06.2026 10.07

Juogadanboalut