Dán jagi lea doarjja juolluduvvon gávcci giellaovdánahttinprošektii ja viđa báikkálaš ovdánahttinprošektii, mat deattuhit sámi árbevirolaš bargguid, Deanu rájes Finnmárkkus Bergenii Vestlandas. 

– Hui somá lea oaidnit ahte ná ollu mánáidgárddit vuoruhit sámegiela. Juolludusat čájehit stuora beroštumi áŋgiruššat sihke sihke davvi-, julev- ja lullisámegiela ovddas, dadjá sámediggeráđđi Ann-Elise Finbog (SáB). 

Ann-Elise Finbog Árvu/Sámediggi

Betanien Barnehage AS oažžu 85 000 ruvnno gielladoarjaga julevsámi mánáid váste. Ulbmil lea oažžut sámegielaga oahpahit julevsámegiela mánáide.

Lyngsdalen oppvekstsenter avdeling barnehage ja Kavringen barnehage oažžuba goappašagat 300 000 ruvnnu ealáskahttit sámi giela ja kultuvrra, ulbmil lea buoridit mánáid ja bargiid máhtu sámi giela ja kultuvrra ektui. 

Márkománák sámi mánáidgárdi AS oažžu 151 000 ruvnno prošektii «Fra jord til bord». Ulbmil lea mánáide oahpahit ekologalaš biepmu ja guoddevaš hálddašeami birra.

– Mánáidgárddiin leat dehálaččat sámi giela ja kultuvrra seailluheamis ja ovdánahttimis. Sávan buohkaide lihku prošeavttaiguin, ja muittuhan vel ahte ođđa ohcanvuorru rahppojuvvo ođđajagimánus 2026, loahpaha ráđđelahttu Finbog.

Bajilgovva juolludemiin: