New Life Ministries Norge oažžu 209 360 ruvnno jorgalit ja almmuhit “Manga Messias” davvisámegillii. Japánalaš govvaráidu mas lea vuođđu Biibbala njealji evangeliumas, lea bivnnut mánáid ja nuoraid gaskkas miehtá máilmmi. Govvaráidu lea juo almmuhuvvon 48 gillii ja leat prentejuvvon badjel 20 millijovnna girjji.  

– Dát prošeakta buktá Biibbala muitalusaid olámuddui ođđa ja gelddolaš vuogi mielde, ja lea hirbmat buorre go Manga Messias galgá almmuhuvvot davvisámegillii, lohká sámediggeráđđi Maja Kristine Jåma (NSR). 

Orkana Forlag AS oažžu 155 000 ruvnno jorgalit ja almmuhit oaniduvvon veršuvnna “Læstadianismens historie i Norge” davvisámegillii. Girji, mii lea juo almmuhuvvon dárogillii, kvenagillii ja eŋgelasgillii, boahtá dahkat lestadiánalaš historjjá olahahttin davvisámi lohkkiide sin iežaset gillii. 

– Lea buorre go dát dehálaš oassi sámi historjjás galgá gávdnot maiddái davvisámegillii, dat lea mearkkašahtti lávki nannet áddejumi ja dihtomielalašvuođa dán oassái kulturárbbis, lohká Jåma. 

– Lea dehálaš oažžut eanet girjjiid sámegillii, go lea mearrideaddjin giela ja kultuvrra seailluheapmái ja nannemii, loahpaha sámediggeráđđi Maja Kristine Jåma.