Sametingsrådet er glade for å kunne gi støtte til lule- og sørsamiske Sámediggeráđđi lea ilus go sáhttá addit doarjaga julev- ja lullisámi girjjálašvuođa prošeavttaide sámi mánáid ja nuoraid várás.

Julevsámi lágádus Nálaga Tjállaga lea ožžon 330 750 ruvnno buvttadit ja almmuhit mánáidgirjji "Njoammel ja giđđadálvve" maid Rakel-Iren Pedersen lea čállán. Girji lea čállon 3-5 jahkásaččaide geain lea julevsámegiella eatnigiellan. Sissel Horndal lea gii sárgo govaid girjái.

– Lea stuorra dárbu originálagirjjálašvuhtii čállojuvvon julevsámegillii, maiddái go guoská mánáidgirjjiide mat leat oaivvilduvvon mánáide geain lea julevsámegiella eatnigiellan. Mun lean ilus go sáhtán doarjut juste dán, dadjá sámediggeráđđi Maja Kristine Jåma.

Dasa lassin lea julevsámi lágádus Tjihkkom Almmudahka ožžon 176 000 ruvnno "Himlabrand" girjji jorgaleapmái ruoŧagielas julevsámegillii. Himlabrand almmuhuvvui jagi 2021, ja dan álgočállosa lea Moa Backe Åstot čállán ruoŧagillii. Moa Backe Åstot gullá Ruoŧabeale julevsámi guovlui, ja sus lea boazodoalloduogáš. 

Romána ulbmiljoavkun leat nuorra rávisolbmot, ja romána lea nuorra Ánte birra guhte gullá Johkamohki badjeolbmuidbearrašii. Sutnje lea diehttelas, ahte bearraša áidna mánná, galgá čuovvut árbevieruid ja bargat boazodoaluin. Fáhkka lea juoga eará mii geasuha su, mii čuovvut buot hástalusaid maid váldoolmmoš vásiha.

– Lea buorre go dát girji jorgaluvvo mas julevsámi boazodoallu ja kultuvra lea duogážin. Lea hirbmat dehálaš fáddá masa fertešii eanet fuomášumi bidjat, erenoamážit nuoraid ektui, dadjá Jåma.

Dasa lassin lea maiddái juolluduvvon 120 000 ruvnno Trøndelága fylkkagirjerádjosii máttasámegillii lohkat videogirjjiid mánáide.

– Trøndelága fylkkagirjerájos lea ovttasbargan Gïelem nastedh:in buvttadit lullisámegielat videogirjjiid ja jietnagirjjiid, maŋŋel go ožžo dieđu das makkár dárbbut leat go guoská sámegielat girjjálašvuhtii. Videogirjjit leat leamaš hui bivnnut, sihke nuoraid ja rávisolbmuid gaskkas. Danne leat videogirjjit deahálaš resurssat giellaoahpahusas, lassin lullisámegiela ovddideapmái, dadjá sámediggeráđđi Maja Kristine Jåma.