Doaimmat leat oaivvilduvvon sihke mánáide ja ollesolbmuide, ja galgá dahkat sámegielaid eanet olámuttus árgabeaivvis.

–  Sámegielain main leat unnán giellageavaheaddjit dárbbašit sihke eanet hálliid ja eanet arenaid gos lea vejolaš giela geavahit. Mii fertet láhčit álkibun oahpat giela – ja deháleamos lea geavahit daid. Erenoamážit nuorat geat juo máhttet giela, dárbbašit buriid fálaldagaid bisuhit gielaset ealligiellan. Danne leage nu dehálaš doarjut doaimmaid mat dahket gielaid oidnosiin ja olámuttus árgabeaivvis, dadjá sámediggeráđđi Maren Benedicte Nystad Storslett.

Geat ožžot doarjaga leat:

• Hemnes ubmisámi forum oažžu 32 200 ruvnnu lágidit ubmisámi giellakursa ollesolbmuide. Kurssa galgá movttiidit oasseváldiid geavahit ubmisámi árgabeaivvis ja sosiála oktavuođain.
• Trööndelagen fylkentjïelte oažžu 300 000 ruvnnu ovdánahttit oahpporesurssaid ja kursaláhčosa kursii Máttasámegiella geavatlaš dilálašvuođain – 1. oassi oahpisteapmi.
• Miksapix Interactive AS oažžu 300 000 ruvnnu jorgalit virtuála sámi spealu Raanaa – Noaidenieida julev- ja máttasámegielaide. Speallu lea juo fidnemis dárogillii, davvisámegillii, eŋgelasgillii ja brasilialaš portugálagillii, ja mihttu lea dan dahkat juvssahahttiin maiddái mánáide geat hállet julev- ja máttasámegielaid.

Juolludeamit leat juolluduvvon Sierra gielladoaimmat julev-, lulli- ja márkosámi guovlluide juolludanortnega bokte.