Kulturdoaibmabijuid doarjjaortnega bokte lea Sámediggi juolludan 733 500 ruvnno doarjjan dáidda- ja kulturaktevrraide mat galget ovddidit, nannet ja oainnusmahttit sámi dáidaga ja kultuvrra miehtá riikka.

– Mii leat rámis doarjut prošeavttaid mat čalmmustahttet ja ovddidit sámi giela ja kultuvrra. Mii diehttit ahte oinnolašvuohta lea áibbas dárbbašlaš min kultuvrra nannemis. Dáid prošeavttaid bokte sávvat mii ahte eanebut besset vásihit, ipmirdit ja atnit árvvus sámi ovdanbuktima, dadjá sámediggeráđđi Ole-Henrik Bjørkmo Lifjell (NSR).

Sii ožžot doarjaga Sámedikkis:

Ole-Henrik Bjørkmo Lifjell Ørjan Marakatt Bertelsen

• Johan Sara JR: gitta 60 000 ruvnno rádjai ovdanbuktit iežas prošeavtta “Sea Sami, See” ovttas Katarina Skår Lisa:n mearrasámi vahku oktavuođas Álttás.
• Luovvi Luohteguovddáš: 112 430 ruvnno rádjai lágidit seminára Guovdageainnus luođi birra.
• Sommerfestivalen fra Jonsok til Oslok: 18 000 ruvnno rádjai bálkkáhit sámi artisttaid Elisabeth Misvær ja Trygve Misvær.
• Viseklubben Spelt: gitta 30 000 ruvnno rádjai lágidit konseartta Niko Valkeapää:n ja čuojaheaddjin Tore Bruvoll:n.
• Gáŋgaviika gielda: 40 000 ruvnno rádjai fállat bargobájiráiddu sámi luođi birra ja dan historjjá ja kultuvrralaš mearkkašumi birra.
• Festspillene Helgeland AS: 40 000 ruvnno rádjai loktet sámi dáidaga ja kultuvrra Festspillene Helgeland 2025:s.
• Hámmárfeastta gielda: 20 000 ruvnno rádjai oainnusmahttit ja gaskkustit sámi dáidaga ja kultureallima Tyvenkonsearttas 2025.
• Idja Markus Johnsen Thonhaugen: 171 770 ruvnno rádjai loktet sámi kulturárbbi, hábmet dáiddalaš lávdebuvttadeami mii galgá čájehuvvot 2026:s.
• Space for Plants: 26 000 ruvnno rádjai lágidit álmmuhankonseartta Bådådjos sámi artisttain iDJa.
• Stiftinga Hilmar Alexandersen: 30 000 ruvnno rádjai čájáhusa lágideapmái HilmArt 2025 oktavuođas, sámi dáiddár prošeavttas lea Meerke Laimi Vekterli.
• Johnskareng: 170 000 ruvnno rádjai “Luohti muitala” prošektii, lávdečájálmas mii ovdanbuktá sámi luđiid siseatnan ja mearrasámi guovlluin.
• Norsk Kritikerlag: oaččui 15 300 ruvnno čalmmustahttit sámi girjjálašvuođa Kritikerseminaret nammasaš lágideamis Norgga girjjálašvuođa festiválas Lillehammeris.