Davvenjárgga gielda oažžu 50 000 ruvnno prošektii Ungdomsfiske 2025. Prošeakta lea jahkásaš kursa nuoraide, man ulbmil lea lasihit rekrutterema guolástussii, oččodit eambbo fidnoguolásteddjiid geat leat nissonolbmot ja buoridit ássanmovtta gielddas.

Brustad Fangst fitnodaga Chris-Ivan Johansen Brustad oažžu 283 000 ruvnno doarjaga bivdofatnasa ja reaidduid oastimii.

SJA Fisk AS fitnodaga Simen Johan Andersen oažžu 225 000 ruvnno bivdofatnasa vuosttaš geardde oastimii.

– Nuoraidguolásteapmi 2025 lea dehálaš doaibmabidju oččodan dihte eambbo nuoraid, erenoamážit nieiddaid, guolástusealáhussii – ja nannen dihte nuoraid gullevašvuođa báikegottiide nugo Davvenjárgii. Dehálaš maiddái lea ahte ovttaskas olbmot ožžot vejolašvuođa ásahit iežaset guolástusdoaimma. Go mii doarjut rekrutterema ja ásahemiid, de leat mielde nanneme ealáhusa boahtteáigái, dadjá sámediggepresideanta Silje Karine Muotka.