Løkvoll Motell og Auto-senter AS mihttu lea ovddidit fitnodaga potensiála sihkkarastit bargiid bargosajiid ja vejolaččat lasihit virggiid, sihkkarastit ekonomiija, dustet kundariid lassánan dárbbuid, fállat sihke báikkálaččaide ja mátkkošteddjiide viidát biebmofálu go dál, ja fállat kundariidda geat dárbbašit borran- dahje gáfestallanbottu – vejolašvuođa bisánastit vuogas báikkis.

Løkvoll Motell og Auto-senter AS háliida hukset ođđa gievkkana ja oastit ođđa gievkkandávviriid vai sáhttá fállat máŋggalágan borramuša birra jagi, ja maiddái ođastit vistti ja hahkat čohkkánsajiid, ja heivehit nu ahte olgun maid sáhttá boradit.

– Doarjja Løkvoll Motell og Auto-senter AS:i lea dehálaš sihkkarastin dihtii Olmmáivákki guossohanfálaldaga. Gili áidna bissovaš guossohanbáikin nannejit sii báikegotti, go sihkkarastet bargosajiid ja fállet borramuša sihke báikkálaččaide ja mátkkošteddjiide, dadjá politihkalaš ráđđeaddi Sandra Márjá West.