Sámediggeráđđi oaivvilda ahte šaddá beare unnán áigi Sámedikki dievasčoahkkima geassemánu 15.-19. beivviid ja Stuorradikki mohtorjohtolatlága meannudeami gaskka, mii lea geassemánu 19. beaivvi.

– Lea dehálaš ahte Sámedikki dievasčoahkkin beassá cealkit oainnus mohtorjohtolatláhkii. Stuoradiggi ferte vuhtiiváldit dan maid Sámedikki dievasčoahkkin mearrida dakkár dehálaš áššis sámi servodahkii ja kultuvrii, ja dalle ferte dievasčoahkkin čoahkkanit ovdal go Stuorradiggi meannuda ášši, dadjá Mudenia.

Sámediggi lea konsulteren Dálkkádat- ja birasdepartemeanttain lága birra, muhto ii šaddan ovttaoaivilvuohta buot čuoggáin.

– Lea erenoamážit sáhka das ahte láhkii čatnat sámi meahcásteami ja -ealáhusaid, sámi vuoigatvuohtan. Dan mii deattuheimmet buot eanemus konsultašuvnnain láhkaevttohusa birra, muhto eat ožžon doarjaga dasa. Dál berre dievasčoahkkin beassat meannudit ášši vai Stuoradiggi ii dohkket lága buot dieđuid haga, loahpaha son.