Sámi giela ja kultuvrra gelbbolašvuođa váiluma fertet mii buohkat váldit duođas. Danne lea ráđđehus ja Sámediggi mearridan ahte boahtte stuorradiggedieđáhus sámi giela, kultuvrra ja servodateallima birra galgá gieđahallat rekrutterema ja gelbbolašvuođa. Das áigu ráđđehus geahčadit mánáidgárddiid, vuođđooahpahusa ja alit oahpu lagabui.

Loga Ráđđehusa preassadieđáhusa: Fáddán boahtte stuorradiggedieđáhusas sámi giela, kultuvrra ja servodateallima birra lea eanet sámegieloahpaheddjiid rekrutteren

Sámediggi dáhttu sámi guovlluin eanet cealkámušaid, danne go lea dehálaš oažžut buriid, konstruktiiva árvalusaid movt sámi rekrutteren galgá lasihuvvot ja nannejuvvot. Don sáhtát buktit cealkámušaid du iežat ovddas, muhtun organisašuvnna ovddas dahje muhtun skuvlla ovddas.

Stuoradiggedieđáhus galgá ovdanbuktojuvvot 2023 giđa. Áigemearri buktit cealkámušaid lea juovlamánu 15. beaivvi dán jagi.

Gielda- ja guovlodepartemeanta lea juo lágidan cealkámuščoahkkimiid, vuosttaš čoahkkimat dollojuvvojedje Romssas ja Guovdageainnus. Skábmamánu 30. beaivvi lágiduvvo cealkámuščoahkkin Levangeris.

Sádde cealkámuša dasa movt rekrutteren sámi oahpahussii sáhttá loktejuvvot ráđđehusa neahttasiiddus