- Maŋŋá 2021 válgga lea válljejuvvon nissonolbmo lohkku Sámedikkis njiedjan 50 proseanttas 41 prosentii. VáikkeRunar Myrnes Balto Árvu, Sámediggi   vel lohkku lassánii 46 prosentii maŋŋá  sámediggeráđi konstituerema, go máŋga nissonolbmo besse fásta áirasiin, de lea dat lihkká mearkkašahtii ovdáneapmi, lohká sámediggeráđđi Runar Myrnes Balto (NSR).
Danne lea son ovttas sámediggepresideanttain Silje Karine Muotkain (NSR) čállán reivve buot bellodagaide ja listtuide, dainna doaivagiin ahte unnán nissonolbmuid ovddasteapmi Sámedikkis dáhpáhuvai dušše oktii.

- Mii leat čevllohallan go Sámedikkis lea dadjat juo leamašan ollislaš dásseárvu gaskal nissonolbmuid ja almmáiolbmuid 2005 rájes. Dás lea sáhka ovddasvástádusas ja oasálastimis, ja buohkat geat servet válggaide sis lea ovddasvástádus dasa, lohká Myrnes Balto.

Sámediggeráđđi ovddida guokte ovdamearkka mo bellodagat ja listtut sáhttet buoridit dili. Okta lea árvvoštallat siskkáldas njuolggadusaid ja dáhkidit sohkabealebalánsa listtuin, ja dat nubbi lea positiivvalaččat ovddidit nissoolbmuid  evttohassan siskkáldas proseassain.

- Sámediggeráđđi jáhkká ja doaivu ahte mii fas sáhttit oažžut sámi parlameanta gos lea dássedis sohkabealit jagis 2025:s, muhto dasa lea dárbu nanu veahkkálasbargui ovttas joavkkuiguin. Mii eat sáhte rehkenastit ahte dat dáhpáhuvvá ieš alddis, loahpaha sámediggeráđđi Myrnes Balto.