Silje Karine Muotka Ørjan Marakatt Bertelsen/Sámediggi

Máistu lágiduvvo Álttás miessemánu 13.-15. beivviid 2025:s, konferánsaoassi lea miessemánu 14. beaivvi, ja leat gullevaš ovda-dáhpáhusat miessemánu 13. ja 15. beaivvi. Konferánsa deattuha sámi biepmu ja biebmovuogádagaid, mat vuođđuduvvojit árbevieruide ja guoddevašvuhtii. 

Konferánssa ulbmilin lea čohkket váldoolbmuid ja berošteddjiid juohkit máhtu, dieđuid ja inspirašuvnna Sámi biebmovuogádagaid birra. 

Sámediggi nanne fuomášumi álgoálbmogiid biebmovuogádagaid ja vuođđuda viidáseappot ovdabargoraportta “Álgoálbmogiid biebmovuogádagat Sámi” (2024) dainna lágiin ahte lágidit deaivvadansaji gos juogadit máhtu ja deaŧalaš vásáhuslonohallama.  

Sámi koahkka ja badjeolmmoš - Máret Rávdná Buljo, Kanádalaš inuihta koahkat - Sheila ja Johnny Flaherty, ja biebmodáiddár ja girječálli Duortnosleagis - Bjørn Ylipää leat muhtin dain logaldalliin geat bohtet. 

– Máistu-konferánsa lea dehálaš arena ovddidit gulahallama ja ovttasbarggu álgoálbmogiid ja Árktisa gaskka, ovttasráđiid mii sáhttit geahččalit gávdnat čovdosiid  ceavzilis boahtteáigái. Dákkár konferánssaiguin lea mis vejolašvuohta oahppat nubbi nuppis ja nannet min árbevirolaš biebmovugiid, dadjá sámediggepresideantta Muotka. 

Sámediggi vuoruha Máistu-konferánssa danne go váldomihttomearrin lea lasihit máhttovuođu, nannet ja suodjalit álgoálbmogiid biebmovuogádagaid, ja sihkkarastit ahte leat stargasat dálkkádatrievdamiid, ráfehisvuođa ja ceavzilis čovdosiid ektui.  

Sámedikki vuoruheamit biebmovuogádagaide leat riikkaidgaskasaččat vuođđuduvvon ON ja ON biebmo- ja eanadoalloorganisašuvnna bokte, gos Sámedikki presideantta earret eará lea árktalaš miellahttu álgoálbmotlihttu stivrenjoavkkus. 

– Álgoálbmogiid biebmovuogádagat eai leat dušše ealáhusgáldun, muhto maiddái árbin jierpmálašvuođas ja ceavzilisvuođas mii ferte suddjejuvvot ja nannejuvvot boahttevaš buolvvaide, lohká sámediggepresideantta Muotka. 

Loga eanet Máistu birra 

Máistu prográmma

Dieđit iežat Máistui 

Ovdaguorahallanraporta - Álgoálbmogiid biebmovuogádagat Sámis (PDF, 8 MB)

Gulahallanolbmot:

Anja Christensen / prošeaktajođiheaddji Kreativ Industri, +47 951 80 363, anja@kreativindustri.no

Vivi Pedersen / Seniorráđđeaddi Sámedikkis, +47 78 47 40 13, vivi.pedersen@samediggi.no