Bovdehus ovttasbargui orohagaide maidda plánejuvvon bieggafápmoprošeavttat Finnmárkkus gusketSámediggi diehtá man stuorra deaddu orohagain lea, erenoamážit go jurddaša daid ollu bieggafápmoprošeavttaid maid NČE dál árvvoštallá. Vai mii buoremus lági mielde galgat sáhttit doarjut guoskevaš orohagaid, de mii oaidnit dárbbu koordineret orohagaid galledemiid.Sámediggepresideanta Silje Karine Muotka (NSR) lea aitto fitnan geahčadeame Skuohtanjárgga siiddas, gullan ja oaidnin dihte movt plánejuvvon bieggafápmorusttegat čuhcet sidjiide. Mii diehtit ahte ollu vuoigatvuođalaččat leat stuora deattu vuolde.Danne bovde Sámediggi orohagaid/siiddaid maidda areálasisabahkkemat čuhcet, váldit oktavuođa minguin jus háliidehpet deaivvadit minguin dahje ahte mii vuolgit mielde geahčadeapmái. Lea maid vejolaš bivdit Sámedikki leat observatevran konsultašuvnnain.Danne mii bovdet guoskevaš orohagaid ovttasbargui, vai mii ovttas sáhttit sihkkarastit ahte orohagaid beroštumit vuhtiiváldojuvvojit buoremus lági mielde.Sámediggi lea gearggus veahkehit dán proseassas ja ávžžuha váldit oktavuođa ja šiehtadit čoahkkima dahje viidáset gulahallama.Gulahallanolmmoš: Politihkalaš ráđđeaddi Nils Ante Eira (Gb), + 47 488 65 013, nils.ante.eira@samediggi.no Almmuhuvvon 30.08.2024 12.41 Maŋemusat rievdaduvvon 30.08.2024 12.42