Jogat leat duháhiid jagiid leamaš váldosuonat Sámis - johtolatgeaidnun, borramušgáldun, gávnnadanbáikin ja máhtolašvuođa, muittuid ja identitehta guoddin. 

Dáiddárat geaid dáidagat čájehuvvojit leat Iver Jåks, Gjert Rognli, Per Andersen, Petteri Laiti, Jørn M. Rivojen Langseth, Gerd Lorås, Britta Marakatt-Labba, Nils Nilsson Skum, Jon Ole Andersen, Johan Rist, Monica L. Edmondson ja Susanne Hætta. 

Duoji, njuohtama, grafihka, gova, glása ja seaguhusmediaid bokte ovdanbuktet dáidagat sihke giđđadulvvi ođasmahtti fámu, boazodoalu deaivvadeami johkaeanadagaiguin, ja olbmuid heiveheami jávrriid molsašuvvi ritmmaide. Susanne Hætta govvadáidda, man inspirašuvdnan lea Synnøve Persen dáidda Dalende symbol (1984), čalmmustahttá maid joga báikin gos lea vuostálastin ja sámi politihkalaš mobiliseren.

Čájáhus addá gova sápmelaččaid ja jogaid lagas čanastagain - čanastagat mat ain hábmejit identitehta, muittu ja boahtteáiggi Sámis.

Johka doalvu min ruovttoluotta bovde olbmuid smiehttat joga birra váldosuotnan, kulturárbin ja sámi vuostálastinnávcca symbolan.

Bures boahtin geahččat čájáhusa Sámedikkis!