Eanandollui davvin bohtet máŋga stuorra hástalusa, nu go doaluid loguid njiedjan, vuollegis gokčandássi eanaš eanandoallobuktagiid ektui, fuođđut ja stuorra golut návehiid ođasmahttimiidda. Čilgehus geahčča strategiijaid mat Sámedikkis leat bisuhit ja ovdánahttit eanandoalu sámi guovlluin, gearggusvuođa ja biebmovuogádagaid, ja leago dárbu veardidit lasi doaibmabijuid nannet sámi eanandoalu ja eanandoalu sámi guovlluin.

–Sámi eanandoalus lea guhkes árbevierut sámi guovlluin, ja leat árvvut maid dál ferte áimmahuššat. Dát guoská sihke giella ja kultuvrralaš aspeavttaide nu go árbevirolaš bibmui ja árvvuide. Nuoraid dáhttu duođas álgit unna ja gaskasturrosaš doaluin, ja vejolašvuohta lotnolasealáhusaide – erenoamážit guolástemiin ja eanandoaluin lotnolassan – fertet mii dan váldit mielde joatkevaš barggus, dadjá sámediggeráđđi Elisabeth Erke.

Čilgehus addá dievasčoahkkimii vejolašvuođa digaštallat čuolmmaid mat gusket sámi eanandollui ja eanandollui sámi guovlluin, lea ovdasiin eanandoallodieđáhusa álgui mii boahtá farga. Maŋemuš Sámediggi attii eanandoallodieđáhusa lei 2007as.

Loga olles dievasčoahkkinášši dás