Loatnadáhkádusáššis leat leamaš váikkuhusat otná beaivvi rádjái, go dat lea mielddisbuktán ahte leat leamaš ekonomalaš geatnegasvuođat báŋkui, ahte jahkedieđáhusain lea leamaš váilevaš raporteren ja ahte rehketdoalus ii leat muitaluvvon ekonomalaš geatnegasvuođaid birra.

Sámediggeráđđi lea dán vahku čilgen loatnadáhkádusášši Sámedikki dievasčoahkkimii, ja deattuhii sámediggeráđi doaibmabijuid áššis, ja muitalii mii lea dahkkojuvvon, ja movt vel ferte buoridit vuogádagaid. Loatnadáhkádusaid birra, maid oktavuođas Sámedikkis ledje njukčamánus 2025 geatnegasvuođat badjel ovcci miljovnna ruvnno ovddas, šiehtadallojuvvui báŋkkuin ja dáhkádusat leat heaittihuvvon. Dat bealli áššis lea čovdojuvvon. Sámediggi áigu dás duohko aktiivvalaččat bargat oahppat áššis ja nannet rutiinnaid, siskkáldas dárkkisteami ja njuolggadusaid.

Loga Sámedikki bajilgova birra loatnadáhkádusáššis ja doaibmastivremis (PDF, 180 kB)

Loga vuogádatraportta: Gjennomgang av styringssystemer og rutiner (CODEX) (PDF, 555 kB)