Dán jagi ledje earenoamáš ollu nuorra ohccit goappaš stipeanddaide. 29 nuora ledje ohcan valáštallanstipeandda, 20 nieidda ja ovcci gándda. 14 nuora ledje ohcan kulturstipeandda, 10 nieidda ja njeallje gándda. Sámedikki kultur- ja valáštallanstipeanda nuoraide galgá movttiidahttit nuoraid áŋgiruššat musihka, kultuvrra ja valáštallansurggiin.
– Lea gelddolaš oaidnit man alla dássi dán jagaš kandidáhtain lea. Sii leat čájehan ahte duođai áŋgiruššet iežaset kultur- ja valáštallansuorggis, ja leat buorit ovdagovat eará sámi nuoraide, lohka Maja Kristine Jåma (NSR).
Sámediggeráđđi juolluda valáštallanstipeandda Jonna Johanne Dunfjeld-Mølnvikii ja Ina Marielle Trane Porsangerii, ja kulturstipeanda juolluduvvo Leander Andersen Gilsåmoii ja Iris Storelv-Rabonenii.
– Buot njealjis leat buorit ambassadevrrat nuorra kultur- ja valáštallanberošteddjiide. Mun illudan oaidnit eambbo dáin nuorain ovddasguvlui ja saván sidjiide hui ollu lihkku viidásit, lohka Jåma.
Oanehis presentašuvdnii dan njealji nuora birra geat ožžot stipeandda Sámedikkis:
- Jonna Johanna Dunfjeld-Mølnvik, 20 jagi boaris ja lea eret Snoases. Jonna Johannes lea taleanta spábbadoaškumis. Son lea ovttas iežas joavkkuin, Liernes Volleyball, spillen 1. divišuvnna ollu áigodagaid ja dán jagi sii vuite ráidospealu. Jonna Johanne joavku lea gearggus spillet bajideapmái. Dasa lassin go dušše valáštallan, son geavaha maid lullisámegiela dihtomielalaččat. Dan son dáhká sihke bána alde ja olggobealde bána. Jonnas lea áŋgirvuohta ja son lea movttiidahtti nuorra sámi valáštalli.
- Ine Marielle Trane Porsanger, 20 jagi boaris ja lea eret Vuonnabađas, Unjárggas. Ine Marielle lea aktiivvalaš veaktalovttohalli. Son lea 2022:s olahan guokte norggaolahusa givrodatloktemis. Son beasai maid Norgga riikkajovkui čakčat 2022, ja duođai áŋgiruššá iežas valáštallansuorgái, ja lea iežas čehppodagain olahan VM-gáibádusa iežas luohkás. Ine lea movttiidahtti nuorra veaktalovttohalli, mas leat ambišuvnnat ollet guhkas.
- Leander Andersen Gilsåmo, 16 jagi boaris ja lea eret Troandimis. Leander lea bargan lávdedáiddáriin dan rájes go lei 11 jagi boaris. Son lea aktiivvalaš teáhterjoavkkus Bul i Nidaros ja lea leamašan mielde stuora teáhterráhkademiin ja lea jo ožžon buriid árvvoštallamiid daid iešguđetge rollain maid lea neaktán teáhterlávddis. Son galgá dál leat bagadalliin nuoramus teáhterjoavkkuide Bul:as, ja galgá maid bargat ovttas sámi nuoraiguin.
- Iris Storelv-Rabone, 17 jagi boaris ja lea eret Evenáššis. Iris lea bargan govvadáidagiin dan rájes go lei unni. Son lea jo čájehan ahte sus leat dáiddárattáldagat ja lea hábmen dán jagaš teáhterplakáhta sámi festiválii Márkomeannu. Irisis leat leamašan máŋga čájáhusa Sámis ja diibmá lei sus sierra čájáhus Márkomeannus. Váikko son lea nuorra, de lea jo šaddan dovddus sámi vuosttaldandáiddár. Son bidjá návccaid iežas dáiddár ovdáneapmái, oahpahallama čađa daid iešguđetge lágan vugiid mat govvadáidagis leat.
Gažaldagaid dahje jearahallama addá sámediggeráđđi Maja Kristine Jåma (NSR), tlf. +47 47242366, maja.kristine.jama@samediggi.no
Ovddeš vuoitit:
2021:
Valáštallanstipeanda: Anders Inga ja Stine Lise Nordsletta Somby
Kulturstipeanda: Jon Mika Nystad Eskonsipo og Maret Julianne Gaup
2020:
Valáštallanstipeanda: Amalie Storelv, Olivia Braastad
Kulturstipeanda: Peder Niilas Tårnesvik, Emil Nikolaus Karlsen, Lávre Johan Eira
2019:
Valáštallanstipeanda: Amalie Kristine Triumf, Peder Funderud Skogvang, Tuva Sirin Schall Mikkelsen
Kulturstipeanda: Ánna-Katri Helander
2018:
Valáštallanstipeanda: Benedicte Guttorm og Sajane Karina Olsen
Kulturstipeanda: Anna Kaisa Partapuoli og Johan Daniel Turi
2016:
Valáštallanstipeanda: Rakel Birkeli og Jan Arthur Reinås
Kulturstipeanda: Anna Linea Fjellheim Varsi og Ella Marie Hætta Isaksen