Njeallje áŋgiris sámi nuora valáštallan-, musihkka- ja duodjesuorggis leat ožžon Sámedikki kultur- ja valáštallanstipeandda 2023. Stipeandda ulbmil lea movttiidahttit sámi nuoraid áŋgiruššat musihkkii, dáidagii, kultuvrii ja valáštallamii. 

Sámediggeráđđi addá valáštallanstipeandda Sandra Maria Baltoi ja Tobias Hættai, ja kulturstipeandda fas Elise Marie Nilsen-Broderstadii ja Elina Johansen Ijäsii.

- Dát nuorra sámi taleanttat ovddastit máŋggalágan kultur- ja valáštallanberoštumiid ja leat čájehan erenoamáš čehppodaga iežaset surggiin. Dáid stipeanddaid bokte doarju Sámediggi nuoraid nieguid ja áigumušaid, ja doarju sin rolla kultuvrralaš ambassadevran ja movttiidahtti ovdagovvan eará nuorra sápmelaččaide, dadjá sámediggeráđđi Maja Kristine Jåma (NSR).

Fire dedikerte samiske utøvere innen idrett, musikk og duodji har blitt tildelt Sametingets kultur- og idrettsstipend 2023. Stipendet har som mål å motivere samisk ungdom til å engasjere seg innenfor felene musikk, kunst, kultur og idrett. 

Sametingsrådet tildeler idrettsstipend til Sandra Maria Balto og Tobias Hætta, og kulturstipend tildeles Elise Marie Nilsen-Broderstad og Elina Johansen Ijäs.

- Disse unge samiske talentene representerer et mangfold av kulturelle og idrettslige interesser og har vist til enestående ferdigheter på sine representative felt. Gjennom disse stipendene viser Sametinget sin støtte til ungdommens drømmer og ambisjoner, og anerkjenner deres rolle som kulturelle ambassadører og inspirerende rollemodeller for andre unge samer, sier sametingsråd Maja Kristine Jåma (NSR).

Dán jagi oaččui Sámediggi oktiibuot 17 ohcama mat devde stipeandaortnega eavttuid. 11 ohce valáštallanstipeandda. 6 ohce kulturstipeandda. Stipeanda lea oassi Sámedikki viiddis áŋgiruššamis doarjut ja ovddidit sámi kultuvrra ja valáštallama. Sámedikki kultur- ja valáštallanstipeanda nuoraide ásahuvvui movttiidahttin dihtii sámi nuoraid áŋgiruššat musihkkii, dáidagii, kultuvrii ja valáštallamii. 25 000 ruvdnosaš stipeanda juhkkojuvvo jahkásaččat njealji nurrii, goappaš sohkabeliin, geat leat gaskal 16 ja 25 jagi.

Sámediggeráđđi sávvá ahte stipeanda addá doarjjavuostáiváldiide vejolašvuođa ain ovdánit iežaset surggiin.

- Stipeanddat leat investeremat sámi kultuvrii ja valáštallamii boahtteáiggis. Mii leat nu rápmásat go beassat doarjut dáid čeahpes nuoraid, ja mii illudat ain čuovvut sin boahtteáiggis, dadjá sámediggeráđđi Maja Kristine Jåma. 
 

Oanehaččat dán jagáš stipeandavuostáiváldiid birra:

• Sandra Maria Balto, 16 jahkásaš Kárášjohkalaš. Sandra Maria lea hirbmat fales vuoddji, ja lea dál buoremusaid searvvis riikaviidosaččat ja lea norggameašttir iežas ahkeluohkás. Dasa lassin leat sus máŋga medálljasaji sihke junior- ja seniorluohkás Norggameašttirgilvvuin. Balto vázzá dál skuvlla Dønski joatkkaskuvllas Bærumis, mii fállá oahppospesialiserema ja valáštallanfága, ja son lea mielde Bærumssvømmernes elitegruppas. Su ambišuvdna ja mihttomearri lea beassat Norgga vuodjanriikkajovkui ja gilvalit riikkaidgaskasaš dásis. 
• Tobias Hætta, 17 jahkásaš Álttás ja Mázes eret. Tobias šattai golfataleanta maŋŋel go heittii spábbačiekčamis. Su ambišuvdna lea eallit valáštallamiin, ja jagis 2022 fárrii son Fetsundii skuvlla vázzit ja álggii golfasuorgái WANG toppidrett Romerikes. Tobiasis lea stuora beroštupmi valáštallamii ja hárjehallá viššalit vai ovdána. Tobias áigu atnit stipeandda earret eará dárbbašlaš hárjehallanmátkkiide ja -reaidduide. 
• Elise Marie Nilsen-Broderstad. 23 jahkásaš Skániin eret. Elise Marie lea áŋgiris ja čeahpes nuorra duojár, gii deattuha márkosámiguovllu duodjeárbevieruid. Sus lea iežas fitnodat, Skaidi Duodji, ja lea earret eará ožžon Sámi Made mearkka iežas dujiide maid goarru ávdnasiin mat eai leat árbevirolaččat. Árabut čakčat searvvai son Romssa Duodji- ja Fashion Showii. Elise Marie lea mielde Stuornjárgga sámiid duojis ja áigu áŋgiruššat bargat dujiin ámmátlaččat. 
• Elina Johansen Ijäs, 21 jahkásaš Guovdageainnus eret. Elina lea máŋggaid jagiid beaggán sihke artistan ja lávllačállin. Maŋŋel joatkkaskuvlla lea son čiekŋudan ja bargan musihkain, ja lea lávlon máŋgga lávddis sihke Norggas ja olgoriikkas. Elina čállá ja ovdanbuktá iežas musihka davvisámegillii. Son lea maiddái aitto searvan Lounge Sápmái Islánddas, gos son maiddái lea bargan iežas plánejuvvon álbumalmmuhemiin jagis 2024. Elina álggii populáramusihka bachelorohppui čakčat 2023:s Høyskolen Kristianias, Oslos, ja háliida ain áŋgiruššat iežas artista- ja lávllačállikarrierii. 

Sámedikki ovddeš kultur- ja valáštallanstipeandavuostáiváldit:

2022:
Valáštallanstipeanda: Ine Mariell Trane Porsanger ja Jonna Johanne Dunfjeld-Mølnvik
Kulturstipeanda: Leander A. Gilsåmo ja Iris Storelv-Rabone

2021:
Idrettsstipend: Anders Inga og Stine Lise Nordsletta Somby
Kulturstipend: Jon Mika Nystad Eskonsipo og Maret Julianne Gaup

2020:
Valáštallanstipeanda: Amalie Storelv, Olivia Braastad
Kulturstipeanda: Peder Niilas Tårnesvik, Emil Nikolaus Karlsen, Lávre Johan Eira

2019:
Valáštallanstipeanda: Amalie Kristine Triumf, Peder Funderud Skogvang, Tuva Sirin Schall Mikkelsen
Kulturstipeanda: Ánna-Katri Helander

2018:
Valáštallanstipeanda: Benedicte Guttorm ja Sajane Karina Olsen
Kulturstipeanda: Anna Kaisa Partapuoli ja Johan Daniel Turi

2016:
Valáštallanstipeanda: Rakel Birkeli ja Jan Arthur Reinås
Kulturstipeanda: Anna Linnea Fjellheim Varsi ja Ella Marie Hætta Isaksen